Print this page
Tuesday, 27 October 2009 16:15

ਕੋਝੇ ਵਿਅੰਗ

Written by
Rate this item
(2 votes)

ਆਜ਼ਾਦੀ ਸਾਨੂੰ ਨਹੀਂ‎,‎

ਉਨ੍ਹਾਂ ਨੂੰ ਮਿਲ਼ੀ ਸੀ‎,‎

ਲੁੱਟਾਂ ਖੋਹਾਂ ਕਰਨ ਲਈ‎,‎

ਘਪਲੇ ਘੁਟਾਲੇ‎,‎

ਬਲਾਤਕਾਰ‎,‎

ਤੇ ਕਤਲ ਕਰਨ ਲਈ।

ਗਣਤੰਤਰ ਦਿਵਸ ਵੀ‎,‎

ਉਨ੍ਹਾਂ ਦੇ ਲੇਖੇ ਹੈ।

ਉਸ ਪੋਥੀ ਦੇ ਕਾਇਦੇ ਕਾਨੂੰਨ‎,‎

ਸਾਡੇ ਲਈ ਹਨ।

ਸਜਾਵਾਂ ਸਾਡੇ ਲਈ‎,‎

ਜਰਮਾਨੇ ਸਾਡੇ ਲਈ‎,‎

ਫਾਹੇ ਸਾਡੇ ਲਈ।

ਉਹ ਸਭ ਕੁੱਝ ਕਰਕੇ ਵੀ‎,‎

ਉਸ ਪੋਥੀ ਦੀ‎,‎

ਕਿਸੇ ਧਾਰਾ ਦੀ ਓਟ ਵਿੱਚ‎,‎

ਛੁੱਤ ਜਾਂਦੇ ਹਨ।

ਦੇਸ ਦੇ ਹਰ ਪਰਾਂਤ ਦੀ‎,‎

ਅਸੈੰਬਲੀ ਵਿੱਚ‎,‎

ਦੇਸ ਦੀ ਪਾਰਲੀਮੈੰਟ ਵਿੱਚ‎,‎

ਇੱਕ ਤਿਹਾਈ‎,‎

ਲੁੱਟਾਂ ਖੋਹਾਂ‎,‎

ਘਪਲੇ ਘੁਟਾਲੇ ਕਰਨ ਵਾਲ਼ੇ‎,‎

ਬਲਾਤਕਾਰੀ ਤੇ ਕਾਤਲ ਬੈਠੇ ਹਨ।

ਉਹ ਸਾਡੀ ਲੁੱਟ ਲਈ‎,‎

ਨਵੇਂ ਕਾਨੂੰਨ ਬਣਾ ਕੇ‎,‎

ਉਸ ਪੋਥੀ `ਚ ਜੋੜਦੇ ਰਹਿੰਦੇ ਹਨ।

ਜਿਸ ਦੇ ਕਾਇਦੇ ਕਾਨੂੰਨ‎,‎

ਸਾਡੀ ਲੁੱਟ ਲਈ‎,‎

ਉਨ੍ਹਾਂ ਲਈ ਨਾਕਾਫੀ ਹਨ।

ਅਸੀਂ ਮੂਰਖ‎,‎

15 ਅਗਸਤ ਨੂੰ‎,‎

ਆਜ਼ਾਦੀ ਲਈ‎,‎

ਨਾਹਰੇ ਮਾਰਦੇ ਮਾਰਦੇ‎,‎

26 ਜਨਵਰੀ ਨੂੰ‎,‎

ਗਣਤੰਤਰ ਦੇ‎,‎

ਨਾਹਰੇ ਮਾਰਦੇ ਮਾਰਦੇ‎,‎

ਘਘਿਆ ਜਾਂਦੇ ਹਾਂ।

ਕਦੋਂ ਸਮਝਾਂਗੇ‎,‎

ਉਨ੍ਹਾਂ ਦੇ ਇਸ‎,‎

ਕੋਝੇ ਵਿਅੰਗ ਨੂੰ ਅਸੀਂ।

Read 3536 times Last modified on Tuesday, 27 October 2009 17:03
ਸੁਖਮਿੰਦਰ ਰਾਮਪੁਰੀ

Latest from ਸੁਖਮਿੰਦਰ ਰਾਮਪੁਰੀ