You are here:ਮੁਖ ਪੰਨਾ»ਗ਼ਜ਼ਲਾਂ»ਕਦ ਟਲਣ ਵਾਲ਼ੇ ਹਾਂ ਅਸੀਂ‎...

ਲੇਖ਼ਕ

Friday, 30 October 2009 15:22

ਕਦ ਟਲਣ ਵਾਲ਼ੇ ਹਾਂ ਅਸੀਂ‎...

Written by
Rate this item
(1 Vote)

ਕਦ ਟਲਣ ਵਾਲ਼ੇ ਹਾਂ ਅਸੀਂ‎,‎ ਚੱਲੇ ਹੋ ਟਾਲ਼ ਕੇ।

ਚੱਲੇ ਕਿਧਰ ਨੂੰ ਹੋ ਤੁਸੀਂ‎,‎ ਸੁਪਨੇ ਦਿਖਾਲ਼ ਕੇ।

ਬਖਸ਼ੀ ਨਾ ਦਾਤ ਰੱਬ ਨੇ‎,‎ ਗਾ ਗਾ ਕੇ ਲਿਖਣ ਦੀ‎,‎

ਮੈਂ ਪਾਲ਼ਿਆ ਹੁਨਰ ਮਸਾਂ‎,‎ ਸੌ ਜਫਰ ਜਾਲ਼ ਕੇ।

ਪੜ੍ਹਕੇ ਪਛਾਣ ਲੈਣ ਗੇ‎,‎ ਤੇਰਾ ਮੁਹਾਂਦਰਾ‎,‎

ਗਜ਼ਲਾਂ `ਚ ਨਾਕਸ਼ ਮੈਂ ਤਿਰੇ‎,‎ ਚੱਲਿਆਂ ਸੰਭਾਲ ਕੇ।

ਢਹਿੰਦੀ ਕਲਾ ਨੂੰ ਛੱਡ‎,‎ ਬਲ ਧਾਰ ਲੈ ਮਨਾ‎,‎

ਪਾਇੰਗਾ ਮੰਜ਼ਲਾਂ ਕਿਵੇਂ‎,‎ ਲੱਤਾਂ ਨਿਸਾਲ ਕੇ।

ਧਰਤੀ `ਤੇ ਡਿਗਣ ਨਾ ਦਵੇ‎,‎ ਸਾਗਰ ਕਮਾਲ ਹੈ‎,‎

ਸੂਰਜ ਦੀ ਗੇਂਦ ਬੋਚਦਾ‎,‎ ਹੈ ਇਓਂ ਉਛਾਲ ਕੇ।

ਢੇਰੀ ਢਾਹ ਕੇ ਬਹਿਣ ਦਾ‎,‎ ਜੋ ਆਦੀ ਹੈ ਓਸ ਨੂੰ‎,‎

ਤੇਰੀ ਸੁਗੰਦ ਦਮ ਲਵਾਂਗਾ‎,‎ ਮੈਂ ਉਠਾਲ ਕੇ।

ਪੂਨਮ ਦਾ ਚੰਨ ਅਪਣੇ‎,‎ ਕੇਸਾਂ `ਚ ਟੁੰਗ ਕੇ‎,‎

ਇਤਰਾ ਰਹੀ ਏ ਰਾਤਰੀ‎,‎ ਮੈਨੂੰ ਦਿਖਾਲ ਕੇ।

ਸੁਖਮਿੰਦਰਾ ਉਹ ਲੋਕਤਾ ਦੇ‎,‎ ਬਣਨ ਗੇ ਚਿਰਾਗ;

ਸੂਰਜ ਦੀ ਸੋਚ ਰੱਖਦੇ ਜੋ‎,‎ ਮਸਤਕ ਵਿੱਚ ਪਾਲ਼ ਕੇ।

ਕਦ ਟਲਣ ਵਾਲ਼ੇ ਹਾਂ ਅਸੀਂ‎,‎ ਚੱਲੇ ਹੋ ਟਾਲ਼ ਕੇ।

ਚੱਲੇ ਕਿਧਰ ਨੂੰ ਹੋ ਤੁਸੀਂ‎,‎ ਸੁਪਨੇ ਦਿਖਾਲ਼ ਕੇ।

Read 1265 times Last modified on Friday, 30 October 2009 15:32