You are here:ਮੁਖ ਪੰਨਾ»ਰਿਪੋਟਾਂ»ਰਾਈਟਰਜ਼ ਫੋਰਮ, ਕੈਲਗਰੀ ਵੱਲੋਂ ਤਿੰਨ ਮੈਂਬਰ ਵਿਸ਼ੇਸ਼ ਸੇਵਾਵਾਂ ਲਈ ਸਨਮਾਨਿਤ

ਲੇਖ਼ਕ

Friday, 09 October 2009 15:22

ਰਾਈਟਰਜ਼ ਫੋਰਮ, ਕੈਲਗਰੀ ਵੱਲੋਂ ਤਿੰਨ ਮੈਂਬਰ ਵਿਸ਼ੇਸ਼ ਸੇਵਾਵਾਂ ਲਈ ਸਨਮਾਨਿਤ

Written by
Rate this item
(0 votes)

ਕੈਲਗਰੀ (ਸ਼ਮਸ਼ੇਰ ਸਿੰਘ ਸੰਧੂ) ਰਾਈਟਰਜ਼ ਫੋਰਮ, ਕੈਲਗਰੀ ਦੀ ਇਕੱਤਰਤਾ, ਕਾਊਂਸਲ ਆਫ ਸਿੱਖ ਔਰਗਨਾਈਜ਼ੇਸ਼ਨਜ਼ ਨਾਰਥ ਈਸਟ ਕੈਲਗਰੀ ਦੇ ਹਾਲ ਵਿੱਚ ਸਨਿੱਚਰਵਾਰ 3 ਅਕਤੂਬਰ, 2009 ਨੂੰ ਸ਼ਮਸ਼ੇਰ ਸਿੰਘ ਸੰਧੂ ਅਤੇ ਸਬਾ ਸਲੇਖ਼ ਦੀ ਪ੍ਰਧਾਨਗੀ ਹੇਠ ਹੋਈ। ਇਕੱਤਰਤਾ ਵਿੱਚ ਤਿੰਨ ਮੈਂਬਰਾਂ ਨੂੰ ਉਹਨਾਂ ਦੀਆਂ ਵਿਸ਼ੇਸ਼ ਸੇਵਾਵਾਂ ਲਈ ਸਨਮਾਨਿਤ ਕੀਤਾ ਗਿਆ। ਸਟੇਜ ਸਕੱਤਰ ਦੀ ਜ਼ੁੰਮੇਂਵਾਰੀ ਸੁਰਿੰਦਰ ਸਿੰਘ ਢਿਲੋਂ ਅਤੇ ਜੱਸ ਚਾਹਲ ਨੇ ਨਿਭਾਈ। ਪਿਛਲੇ ਮਹੀਨੇ ਦੀ ਰੀਪੋਰਟ ਪੜ੍ਹੀ ਅਤੇ ਪਰਵਾਨ ਕੀਤੀ ਗਈ।

ਰਾਈਟਰਜ਼ ਫੋਰਮ ਦਾ ਮੁੱਖ ਉਦੇਸ਼ ਕੈਲਗਰੀ ਨਿਵਾਸੀ ਪੰਜਾਬੀ, ਹਿੰਦੀ, ਉਰਦੂ ਤੇ ਅੰਗ੍ਰੇਜ਼ੀ ਦੇ ਸਾਹਿਤ ਪ੍ਰੇਮੀਆਂ ਤੇ ਲਿਖਾਰੀਆਂ ਨੂੰ ਇੱਕ ਮੰਚ ਤੇ ਇਕੱਠੇ ਕਰਨਾ ਤੇ ਸਾਂਝਾ ਪਲੇਟਫਾਰਮ ਪ੍ਰਦਾਨ ਕਰਨਾ ਹੈ ਜੋ ਜੋੜਵੇਂ ਪੁਲ ਦਾ ਕੰਮ ਕਰੇਗਾ। ਸਾਹਿਤ ਰਾਹੀਂ ਬਣੀ ਇਹ ਸਾਂਝ, ਮਾਨਵੀ ਤੇ ਅਮਨ ਹਾਮੀਂ ਤਾਕਤਾਂ ਤੇ ਯਤਨਾਂ ਨੂੰ ਵੀ ਮਜ਼ਬੂਤ ਕਰੇਗੀ ਤੇ ਏਥੋਂ ਦੇ ਜੀਵਣ ਨਾਲ ਵੀ ਸਾਂਝ ਪਾਵੇਗੀ।

ਜਸਵੰਤ ਸਿੰਘ ਸੇਖੋਂ ਨੇ ਆਪਣੀ ਕਵੀਸ਼ਰੀ ਸੁਣਾਈ।

ਦੁਨੀਆਂ ਵਿੱਚ ਹਰਇਕ ਨੂੰ ਔਖੀ ਆਉਂਦੀ ਹੈ ਜਟ ਵਿਦਿਆ

ਪ੍ਰਕਾਸ਼ ਕੌਰ ਬੂਰਾ ਨੇ ਆਪਣੀ ਇੱਕ ਕਵਿਤਾ ਸੁਣਾਈ:

ਅੱਜ ਪੰਛੀ ਉਡ ਗਏ ਖੇਤਾਂ ਚੋਂ

ਰਿਜ਼ਕ ਵਧੇਰੇ ਪਾਉਣ ਨੂੰ

ਦਿਨੇ ਰਾਤ ਦਵਾਈਆਂ ਦਾ ਜ਼ਹਿਰ ਉਡਦਾ

ਧਰਤੀ ਮਾਂ ਦੇ ਗਰਭ ਵਿੱਚ ਬੀਜ ਵਲੈਤੀ ਉਗਦਾ।

ਇਸ ਪਿਛੋਂ ਪਰਮਜੀਤ ਮਾਹਲ, ਚਮਕੌਰ ਸਿੰਘ ਧਾਲੀਵਾਲ ਅਤੇ ਜਸਵੀਰ ਸਿੰਘ ਸੀਹੋਤਾ ਨੂੰ ਉਹਨਾਂ ਦੀਆਂ ਰਾਈਟਰਜ਼ ਫੋਰਮ, ਕੈਲਗਰੀ ਲਈ ਕੀਤੀਆਂ ਣਿਸ਼ੇਸ਼ ਸੇਵਾਵਾਂ ਲਈ ਸਨਮਾਨਿਤ ਕੀਤਾ ਗਿਆ।

ਬਲਜਿੰਦਰ ਸੰਘਾ ਨੇ ਆਣੀ ਕਾਵਿ ਪੁਸਤਕ ‘ਕਵਿਤਾ – ਮੈਨੂੰ ਮੁਆਫ ਕਰੀਂ’ ਵਿਚੋਂ ਕੁਛ ਖੂਬਸੂਰਤ ਕਵਿਤਾਵਾਂ ਸੁਣਾਈਆਂ-

ਅਸੀਂ ਸਨ-ਬਾਥ ਨਹੀਂ ਕਰਦੇ

ਬਲਕਿ ਹਰ ਰੋਜ਼ ਕੰਮ ਕਰਦਿਆਂ

ਧੁੱਪ ਤੋਂ ਬਚਣ ਲਈ, ਸਾਡੇ ਪਾਟੇ ਕੁੜਤੇ ਤੇ

ਇਕ ਟਾਕੀ ਹੋਰ ਵਧ ਜਾਂਦੀ ਹੈ।

ਗਾਇਕ ਜੋਗਾ ਸਿੰਘ ਨੇ ਪਹਿਲਾਂ ਇੱਕ ਗ਼ਜ਼ਲ ਸ਼ਮਸ਼ੇਰ ਸਿੰਘ ਸੰਧੂ ਦੀ ਸੁਣਾਈ:

ਅਪਣੇ ਲਹੂ ਦੀ ਲਾਟ ਨੂੰ, ਚਾਨਣ ਬਣਾਓ ਦੋਸਤੋ

ਅਕਲਾਂ ਤੇ ਇਲਮਾਂ ਆਸਰੇ, ਸਾਥੀ ਜਗਾਓ ਦੋਸਤੋ।

ਸਾਥੀ ਬਣਾ ਲੌ ਆਪਣਾ, ਉੱਦਮ ਜੋ ਦੇਵੇ ਰੌਸ਼ਨੀ

ਸਾਹਸ ਬਣਾਕੇ ਆਸਰਾ, ਜੀਵਨ ਸਜਾਓ ਦੋਸਤੋ।

ਧਰਮਾਂ ਦੇ ਨਾਂ ਤੇ ਪਾ ਲਏ, ਮੰਦਰ ਮਸੀਤਾਂ ਚਰਚ ਵੀ

ਹੁਣ ਜ਼ਾਤ ਮਾਨਵ ਦੇ ਲਈ, ਘਰ ਇੱਕ ਬਣਾਓ ਦੋਸਤੋ।

ਅਤੇ ਇਸ ਉਪਰੰਤ ਗਿੱਲ ਮੋਰਾਂਵਾਲੀ ਦੀ ਇੱਕ ਗ਼ਜ਼ਲ ਸੁਣਾਈ:

ਦੂਰ ਨਜ਼ਰਾਂ ਤੋਂ ਪਿਆਰਾ ਹੋ ਗਿਆ

ਗ਼ਮ ਮਿਰੇ ਦਿਲ ਦਾ ਸਹਾਰਾ ਹੋ ਗਿਆ।

ਉਸ ਦੇ ਅੱਗੇ ਸਿਰ ਮਿਰਾ ਝੁਕਿਆ ਰਿਹਾ

ਬਿਨ ਤੇਰੇ ਜੀਵਣ ਨਕਾਰਾ ਹੋ ਗਿਆ।

ਨਵਾਏ ਪਾਕਿਸਤਾਨ ਦੇ ਰੈਜ਼ੀਡੈਂਟ ਐਡੀਟਰ ਸ਼ਕੀਲ ਅਹਿਮਦ ਨੇ 11 ਅਕਤੂਬਰ 2009 ਨੂੰ ਰਾਈਟਰਜ਼ ਫੋਰਮ, ਕੈਲਗਰੀ ਦੇ ਸਹਿਯੋਗ ਨਾਲ 83 ਅਰਨਵੁਡ ਕਮਿਊਨੇਟੀ ਸੈਂਟਰ ਵਿਖੇ ਕਰਾਏ ਜਾ ਰਹੇ ‘ਵਰਲਡ ਸਾਈਟ ਡੇ’ ਤੇ ਡਾ ਜਗਦੀਸ਼ ਆਨੰਦ ਦੇ ਲੈਕਚਰ ਬਾਰੇ ਚਾਨਣਾ ਪਾਇਆ।

ਚਮਕੌਰ ਸਿੰਘ ਧਾਲੀਵਾਲ ਨੇ ਇਸ ਗੱਲ ਨੂੰ ਨਤਾਰਿਆ ਕਿ ਸਾਨੂੰ ਆਪਣੇ ਪੁਤਰਾਂ ਧੀਆਂ ਨੂੰ ਆਪਣੀ ਜਾਇਦਾਦ ਵਿੱਚੋਂ ਬਰਾਬਰ ਦਾ ਹੱਕ ਦੇਣਾ ਚਾਹੀਦਾ ਹੈ। ਕੇਵਲ ਪੁਤਰਾਂ ਨੂੰ ਸਭ ਹੱਕ ਦੇਣ ਦੀ ਰੂੜ੍ਹੀਵਾਦੀ ਸੋਚ ਤਰਕ ਕਰਨੀ ਚਾਹੀਦੀ ਹੈ।

ਪਰਮਜੀਤ ਸਾਂਦਲ ਨੇ ਆਪਣੀ ਮੂਵੀ ‘ਕੌਣ ਦਿਲਾਂ ਦੀਆਂ ਜਾਣੇ’ ਬਾਰੇ ਜਾਣਕਾਰੀ ਸਾਂਝੀ ਕੀਤੀ ਤੇ ਸਭ ਨੂੰ ਇਹ ਮੂਵੀ 23 ਤੋਂ 29 ਅਕਤੂਬਰ ਵਿੱਚ ਵੇਖਣ ਦੀ ਪ੍ਰੇਰਨਾ ਕੀਤੀ।

ਮੋਹਨ ਸਿੰਘ ਔਜਲਾ ਹੋਰੀਂ ਇੱਕ ਮੰਝੇ ਹੋਏ ਗ਼ਜ਼ਲਗੋ ਹਨ। ਉਹ ਪਿਛਲੇ ਪੰਜਾਹ ਸਾਲ ਤੋਂ ਗ਼ਜ਼ਲ ਲਿਖਦੇ ਆ ਰਹੇ ਹਨ ਜੋ ਕਿ ਅਜੇ ਤਕ ਕਤਾਬ ਦਾ ਰੂਪ ਨਹੀਂ ਧਾਰ ਸਕੀਆਂ। ਸਾਨੂੰ ਆਸ ਹੈ ਕਿ ਹੁਣ ਜਦ ਉਹ 2010 ਵਿੱਚ ਆਪਣੇ ਭਾਰਤ ਦੌਰੇ ਤੋਂ ਵਾਪਸ ਆਉਣਗੇ ਤਾਂ ਪਹਿਲੀ ਵਾਰ ਉਹ 4-5 ਗ਼ਜ਼ਲ ਸੰਗ੍ਰਹਿ ਲੋਕ ਅਰਪਤ ਕਰਣਗੇ। ਉਹਨਾਂ ਨੇ ਆਪਣੀ ਇੱਕ ਖੂਬਸੂਰਤ ਕਵਿਤਾ ਪੇਸ਼ ਕੀਤੀ:

ਮੰਦਰ ਮਸਜਦ ਗੁਰਘਰ ਗਿਰਜੇ

ਕਿਓਂ ਇਨਸਾਨਾਂ ਵਿੱਚ ਵੈਰ ਵਧਾਵਣ।

ਅਪਣੇ ਅਪਣੇ ਘੇਰੇ ਵਿਚਲੇ

ਲੋਕਾਂ ਤੇ ਵੱਖ ਰੰਗ ਚੜ੍ਹਾਵਣ।

ਜਾਵੇਦ ਨਜ਼ਾਮੀਂ ਨੇ ਆਪਣੀ ਖੂਬਸੂਰਤ ਉਰਦੂ ਗ਼ਜ਼ਲ ਸੁਣਾਈ;

ਦਿਨ ਕਾਟਤਾ ਹੂੰ ਜ਼ਿੰਦੀਏ ਮੁਸਤਆਰ ਕੇ

ਦੋਨੋਂ ਜਹਾਂ ਕੀ ਹਸਰਤੇਂ ਦਿਲ ਮੇਂ ਲਿਯੇ ਹੂਏ।

ਸਦਹਾ ਸ਼ਕਸਤ ਖਾਕੇ ਭੀ ਉਸਕੀ ਗਲੀ ਕੋ ਦਿਲ

ਫਿਰ ਲੇ ਚਲਾ ਹੈ ਜੁਰਅਤੇ ਬੇਜਾ ਕੀਯੇ ਹੂਏ।

ਤੇਰੇ ਮਰੀਜ਼ ਕੋ ਨਾ ਕਹੀਂ ਭੀ ਸ਼ਫਾ ਹੂਈ

ਫਿਰਤੇ ਰਹੇ ਗ਼ਰੀਬ ਮਸੀਹਾ ਲਿਯੇ ਹੂਏ।

ਜੱਸ ਚਾਹਲ ਹੋਰਾਂ ਨੇ ਹਿੰਦੀ ਵਿੱਚ ਆਪਣਾ ਇੱਕ ਗੀਤ ਸੁਣਾਇਆ:

ਹਮ ਤੋ ਅਬ ਐਸੀ ਰਾਹ ਚਲੇ

ਕਿ ਲੌਟ ਕੇ ਫਿਰ ਨਾ ਆਏਂਗੇ।

ਮੇਰੇ ਗੀਤ ਤੁਮਹੇਂ ਬਹਿਲਾਏਂਗੇ।

ਸਬਾ ਸਲੇਖ਼ ਹੋਰਾਂ ਨੇ ਆਪਣੀਆਂ ਉਰਦੂ ਗ਼ਜ਼ਲਾਂ ਪੇਸ਼ ਕੀਤੀਆਂ:

1-ਏਕ ਗ਼ਜ਼ਲ ਸੇ ਦੀਵਾਨੇ ਗ਼ਜ਼ਲ ਹੂਆ ਵਹੀ ਗ਼ਜ਼ਲ ਮੈਂ ਭੁਲਾ ਨਾ ਸਕਾ।

ਨਾਮ ਹੂਆ ਸ਼ੁਅਰਤ ਹੂਈ ਫਿਰ ਭੀ ਵੁਹ ਦਰਦੇ ਦਿਲ ਮਿਟਾ ਨਾ ਸਕਾ।

2-ਜ਼ਰਖ਼ੇਜ਼ ਥੀ ਜੋ ਜ਼ਮੀਂ ਵੁਹ ਤਰਸਤੀ ਰਹੀ

ਔਰ ਅਬਰੇ ਕਰਮ ਪਥਰੀਲੀ ਜ਼ਮੀਂ ਪੇ ਬਰਸਤੀ ਰਹੀ।

3-ਦਿਲ ਕੀ ਦੁਨਯਾਂ ਲੁਟ ਜਾਤੀ ਹੈ ਤਬ ਯੇ ਘਰ ਆਬਾਦ ਹੋਤਾ ਹੈ।

ਇੰਤਜ਼ਾਰ ਕੀ ਜ਼ਹਿਮਤ ਸੇ ਗੁਜ਼ਰਤਾ ਔਰ ਸ਼ਾਦ ਹੋਤਾ ਹੈ।

ਸ਼ਮਸ਼ੇਰ ਸਿੰਘ ਸੰਧੂ ਨੇ ਖ਼ਰਾਬ ਮੌਸਮ ਦੇ ਬਾਵਜੂਦ ਆਉਣ ਵਾਲੇ ਸਾਰਿਆਂ ਦਾ ਧੰਨਵਾਦ ਕੀਤਾ ਅਤੇ ਆਪਣੀ ਇੱਕ ਗ਼ਜ਼ਲ ਪੇਸ਼ ਕੀਤੀ:

ਮੰਦਰ ਜਾਂ ਹੋਏ ਮਸਜਿਦ, ਹਰ ਥਾਂ ਚਰਾਗ ਬਲਣਾ

ਹਰਥਾਂ ਕਰੇ ਉਹ ਚਾਨਣ, ਮਜ਼ਹਬ ਨਾ ਉਸ ਬਦਲਣਾ।

ਮਜ਼ਹਬ ਦੇ ਸਭ ਝਮੇਲੇ, ਦੇਵੋ ਤਿਆਗ ਜੇਕਰ

ਸਾਂਝਾਂ ਦਾ ਤਾਂ ਹੀ ਸੂਰਜ, ਆਕੇ ਹੈ ਫਿਰ ਨਿਕਲਣਾ।

ਧਰਤੀ ਤੇ ਤਾਂ ਹੀ ਹੋਣੀ, ਅਮਨਾਂ ਦੀ ਫੇਰ ਵਰਖਾ

ਸਿਖ ਲੈ ਅਗਰ ਜੇ ਬੰਦਾ, ਕਰਕੇ ਪਿਆਰ ਚਲਣਾ।

ਕੈਲਾਸ਼ ਮਹਿਰੋਤਰਾ ਨੇ ਹਿੰਦੀ ਦੀ ਇੱਕ ਕਵਿਤਾ ਸੁਣਾਈ:

ਆਦਮੀਂ ਔਰ ਜਾਨਵਰ ਕੇ ਬੀਚ

ਫਰਕ ਬਹੁਤ ਥੋੜਾ ਹੈ।

ਤਾਰਿਕ ਮਲਿਕ ਹੋਰਾਂ ਉਰਦੂ ਦੇ ਕੁਛ ਚੋਣਵੇਂ ਸ਼ਿਅਰ ਸੁਣਾਏ।

ਜਸਵੀਰ ਸੀਹੋਤਾ ਨੇ ਇੱਕ ਕਵਿਤਾ ਸੁਣਾਈ:

ਤੈਨੂੰ ਯਾਦ ਹੋਣਾ ਜਿੱਥੇ ਹੁਣ ਹਾਂ ਖੜੇ

ਏਥੇ ਫੁੱਲਾਂ ਦੀ ਕਿਆਰੀ ਵਿੱਚ ਫੁੱਲ ਸੀ ਕਦੇ।

ਜਸਵੰਤ ਸਿੰਘ ਹਿੱਸੋਵਾਲ ਨੇ ਸੁਖਵਿੰਦਰ ਅੰਮ੍ਰਿਤ ਦੀ ਇੱਕ ਖੂਬਸੂਰਤ ਗ਼ਜ਼ਲ ਸੁਣਾਈ

ਮੇਰੇ ਵਿਹੜੇ `ਚ ਸੰਘਣਾ ਹਨੇਰਾ ਰਿਹਾ

ਮੇਰਾ ਦੀਵੇ ਤੋਂ ਸੱਖਣਾ ਬਨੇਰਾ ਰਿਹਾ।

ਮੈਨੂੰ ਬਣਕੇ ਸ਼ਮ੍ਹਾਂ ਖੁਦ ਹੀ ਬਲਣਾ ਪਿਆ

ਦੂਰ ਨਜ਼ਰਾਂ ਤੋਂ ਕਿਧਰੇ ਸਵੇਰਾ ਰਿਹਾ।

ਮੋਹਨ ਸਿੰਘ ਮਿਨਹਾਸ ਹੋਰਾਂ ਨੇ ਕੁਛ ਸੁੰਦਰ ਸ਼ਿਅਰ ਸੁਣਾਏ।

ਸੁਰਿੰਦਰ ਸਿੰਘ ਢਿਲੋਂ ਹੋਰਾਂ ਨੇ ਵੀ ਕੁਛ ਖੂਬਸੂਰਤ ਸ਼ਿਅਰ ਸੁਣਾਏ:

ਜਬ ਕਿਸੀ ਸੇ ਕੋਈ ਗਿਲਾ ਰਖਣਾ

ਸਾਮਣੇ ਅਪਣੇ ਆਈਨਾ ਰਖਣਾ।

ਉਕਤ ਤੋਂ ਇਲਾਵਾ ਤਰਸੇਮ ਸਿੰਘ ਪਰਮਾਰ, ਪੈਰੀ ਮਾਹਲ, ਹਰਬਖਸ਼ ਸਿੰਘ ਸਰੋਆ, ਪਰਵੀਰ ਬੂਰਾ ਵੀ ਇਸ ਇਕੱਤਰਤਾ ਵਿੱਚ ਸ਼ਾਮਲ ਸਨ। ਸਾਰਿਆਂ ਲਈ ਚਾਹ ਪਾਣੀ ਦਾ ਪ੍ਰਬੰਧ  ਜਸਬੀਰ ਸਿੰਘ ਸੀਹੋਤਾ ਨੇ ਕੀਤਾ। 

ਰਾਈਟਰਜ਼ ਫੋਰਮ, ਕੈਲਗਰੀ ਦੀ ਅਗਲੀ ਮਾਸਿਕ ਇਕੱਤਰਤਾ ਮਹੀਨੇ ਦੇ ਪਹਿਲੇ ਸਨਿਚਰਵਾਰ, 7 ਨਵੰਬਰ, 2009 ਨੂੰ 2-00 ਤੋਂ 5-30 ਵਜੇ ਤਕ ਕੋਸੋ ਦੇ ਹਾਲ ਵਿੱਚ ਹੋਵੇਗੀ। ਕੈਲਗਰੀ ਦੇ ਸਾਹਿਤ ਪ੍ਰੇਮੀਆਂ ਤੇ ਸਾਹਿਤਕਾਰਾਂ ਨੂੰ ਇਸ ਸਾਹਿਤਕ ਇਕੱਤਰਤਾ ਵਿੱਚ ਸ਼ਾਮਲ ਹੋਣ ਦਾ ਸੱਦਾ ਦਿੱਤਾ ਜਾਂਦਾ ਹੈ। ਹੋਰ ਜਾਣਕਾਰੀ ਲਈ ਸ਼ਮਸ਼ੇਰ ਸਿੰਘ ਸੰਧੂ (ਪ੍ਰੈਜ਼ੀਡੈਂਟ) ਨਾਲ (403)  285-5609, ਸਲਾਹੁਦੀਨ ਸਬਾ ਸ਼ੇਖ (ਵਾਇਸ ਪ੍ਰੈਜ਼ੀਡੈਂਟ) ਨਾਲ 403-547-0335, ਜੱਸ ਚਾਹਲ (ਸਕੱਤਰ) ਨਾਲ 403-293-8912 ਸੁਰਿੰਦਰ ਸਿੰਘ ਢਿਲੋਂ (ਸਹਿ-ਸਕੱਤਰ) ਨਾਲ 403-285-3539 ਅਤੇ ਚਮਕੌਰ ਸਿੰਘ ਧਾਲੀਵਾਲ (ਖ਼ਜ਼ਾਨਚੀ) ਨਾਲ 403-275-4091, ਪੈਰੀ ਮਾਹਲ (ਮੀਤ ਸਕੱਤਰ) ਨਾਲ 403-616-0402 ਨਾਲ ਸੰਪਰਕ ਕਰੋ।

Read 1336 times Last modified on Tuesday, 13 October 2009 17:08
ਸ਼ਮਸ਼ੇਰ ਸਿੰਘ ਸੰਧੂ

ਕੈਲਗਰੀ (ਕੈਨੇਡਾ)
ਐਮ਼ ਏ / ਐਮ਼ ਐਡ / ਪੀ਼ ਈ਼ ਐਸ਼ 
ਰਿ਼ ਡਿਪਟੀ ਡਾਇਰੈਕਟਰ‎,‎ ਸਿਖਿਆ ਵਿਭਾਗ ਪੰਜਾਬ

Latest from ਸ਼ਮਸ਼ੇਰ ਸਿੰਘ ਸੰਧੂ