11 ਅਕਤੂਬਰ 2009 ਦੀ ਸ਼ਾਮ ਨੂੰ ਸਰੀ ਦੇ ਬਿਲ ਪਰਫਾਰਮਿੰਗ ਆਰਟਸ ਥੀਏਟਰ ਵਿਚ ਪੰਜਾਬੀ ਨਾਟਕ ‘ਨਿਉਂ ਜੜ੍ਹ’ ਦਾ ਮੰਚਨ ਹੋਇਆ। ਇਹ ਨਾਟਕ ਪ੍ਰੋਫੈਸਰ ਅਜਮੇਰ ਔਲਖ ਦਾ ਲਿਖਿਆ ਹੋਇਆ ਹੈ ਅਤੇ ਉਨ੍ਹਾਂ ਦੀ ਹੀ ਅਗਵਾਈ ਵਿਚ ਐਡਮਿੰਟਨ ਦੀ ਪੰਜਾਬੀ ਹੈਰੀਟੇਜ ਥੀਏਟਰ ਐਸੋਸੀਏਸ਼ਨ ਵੱਲੋਂ ਖੇਡਿਆ ਗਿਆ। ਭਰੂਣ ਹੱਤਿਆ ਰੋਕਣ ਦਾ ਖੁਲ੍ਹ ਕੇ ਸੁਨੇਹਾ ਦਿੰਦੇ ਇਸ ਨਾਟਕ ਵਿਚ ਦਰਸ਼ਕਾਂ ਦੀ ਦਿਲਚਸ਼ਪੀ ਲਈ ਮਨੋਰੰਜਨ ਵੀ ਸੀ ਤੇ ਉਸਾਰੂ ਗੀਤ ਵੀ ਸਨ। ਭਾਵੁਕ ਕਰਨ ਵਾਲੇ ਦ੍ਰਿਸ਼ ਵੀ ਸਨ। ਪੰਜਾਬ ਤੋਂ ਇਸ ਨਾਟਕ ਵਿਚ ਹਿੱਸਾ ਲੈਣ ਆਏ ਸ੍ਰੀਮਤੀ ਮਨਜੀਤ ਕੌਰ ਔਲਖ ਅਤੇ ਹੈਰੀਟੇਜ ਗਰੁੱਪ ਦੇ ਪਰਮਜੀਤ ਸਿੰਘ ਗਿੱਲ ਅਤੇ ਉਨ੍ਹਾਂ ਦੀ ਸਾਰੀ ਟੀਮ ਨੇ ਵਧੀਆ ਅਦਾਕਾਰੀ ਦਾ ਪ੍ਰਦਰਸ਼ਨ ਕੀਤਾ।
ਨਾਟਕ ਵਿਚ ਜਿਨ੍ਹਾਂ ਕਲਾਕਾਰਾਂ ਨੇ ਭਾਗ ਲਿਆ, ਉਨ੍ਹਾਂ ਦੇ ਨਾਂ ਹਨ : ਮਨਜੀਤ ਔਲਖ, ਪਰਮਜੀਤ ਗਿੱਲ, ਸਰਗਮ ਸੰਧੂ,ਨੇਹਾ ਬਾਂਸਲ,ਸੁਰਜੀਤ ਕੌਰ,ਇੰਦਰਪਾਲ ਸੰਘੇੜਾ, ਨਿਰਮਲ ਸਿੰਘ ਗਿੱਲ,ਪਰਮਜੀਤ ਕੌਰ ਮਾਨ, ਦਵਿੰਦਰ ਧਾਲੀਵਾਲ, ਗੁਰਜੀਤ ਕੰਗ, ਰਘਵੀਰ ਬਿਲਾਸਪੁਰੀ, ਜਸਪ੍ਰੀਤ ਗਿੱਲ, ਰਿਪਨ ਕੌਰ ਗਿੱਲ, ਰਾਜਵਿੰਦਰ ਥਿੰਦ, ਚਰਨਪ੍ਰੀਤ ਕੌਰ ਬੋਪਾਰਾਏ, ਸਵਰਨ ਧਾਲੀਵਾਲ, ਸੰਨੀ ਧਾਲੀਵਾਲ, ਰੂਬੀ ਧਾਲੀਵਾਲ, ਜਸਵਿੰਦਰ ਕੌਰ ਗਿੱਲ, ਮਨਜੀਤ ਧਾਲੀਵਾਲ, ਜਸਪਾਲ ਬਾਂਸਲ, ਅਸ਼ੋਕ ਗੰਗਵਾਨੀ ਅਤੇ ਪਰਵਿੰਦਰ ਗਿੱਲ।
ਅੰਤ ਵਿਚ ਗੁਰਦੀਪ ਆਰਟਸ ਗਰੁੱਪ ਅਤੇ ਮਿਊਜਿਕ ਵੇਵਜ਼ ਵੱਲੋਂ ਗੁਰਦੀਪ ਭੁੱਲਰ, ਕੁਲਵਿੰਦਰ ਸੰਘੇੜਾ ਅਤੇ ਬਲਜਿੰਦਰ ਅਟਵਾਲ ਨੇ ਪ੍ਰੌਫੈਸਰ ਅਜਮੇਰ ਔਲਖ ਅਤੇ ਮਨਜੀਤ ਔਲਖ ਦਾ ਸਨਮਾਨ ਵੀ ਕੀਤਾ।
