" ਯਥਾਰਥ ਦੀ ਖਿੱਚ
ਗ੍ਰੈਵਿਟੀ ਵਰਗੀ ਹੈ
ਇਸਦਾ ਨਾੜੂਆ ਕੇਵਲ
ਕਵਿਤਾ ਹੀ ਕਟਦੀ ਹੈ "
*******************
" ਇੱਕ ਰੁੱਤ ਦਾ ਹੱਥ
ਪੱਤਰ ਦੇ ਜਾਂਦਾ ਹੈ
ਦੂਜੀ ਦਾ ਹੱਥ ਲੈ ਜਾਂਦਾ ਹੈ
ਬਿਰਛ ਕਿਸੇ ਰੁੱਤ ਦਾ
ਹੱਥ ਨਹੀਂ ਫੜਦਾ '
*****************
" ਜੋ ਵੇਖ ਸਕਦਾ ਹੈ
ਕਵਿਤਾ ਲਿਖ ਸਕਦਾ ਹੈ
ਕਵਿਤਾ ਦੀ ਹੋਰ
ਕੋਈ ਸ਼ਰਤ ਨਹੀਂ
ਕੋਈ ਵਿਧੀ ਨਹੀਂ
**************
" ਨਾ ਨ੍ਹੇਰਾ ਨਾ ਚਾਨਣ
ਮੈਂ ਕੇਵਲ ਚੀਜ਼ਾਂ ਵੇਖਦਾ ਹਾਂ
ਉਹ ਵੀ ਤਾਂ ਹੀ ਦਿਸਦੀਆਂ ਹਨ
ਜੇ ਉਹਨਾਂ ਨੂੰ ਨ੍ਹੇਰੇ ਦੀ
ਕਿਨਾਰੀ ਲੱਗੀ ਹੋਵੇ
ਤਾਰੇ ਵੇਖਣ ਲਈ
ਖੁ੍ੱਲ੍ਹੀਆਂ ਅੱਖਾਂ ਹੀ ਨਹੀਂ
ਨ੍ਹੇਰਾ ਵੀ ਲੋੜੀਦਾ ਹੈ
*****************
