चल्ल पातर हुण ढूंडण चल्लीए भुल्लीआं होईआं थांवां

कित्थे कित्थे छड्ड आए हां अणलिखीआं कवितावां

गड्डी चहड़न दी काहल बड़ी सी की कुझ रहि गिआ ओथे

पलां छिणां विच छड्ड आए सां जुगां जुगां दीआं थांवां

अध्धी रात होएगी मेरे पिंड उते इस वेले

जागदीआं होवणगीआं सुत्तिआं पुतरां लागे मांवां

मारूथल ' चों भज्ज आइआ मैं आपणे पैर बचा के

पर ओथे रहि गईआं जो सन मेरी खातर राहवां

मेरे लई जो तीर बणे सन होर कलेजे लग्गे

किंझ साहिबां नूं आपणी आखां किउं मिरज़ा सदवावां

मैं सागर दे कंढे बैठां कोरे कागज़ लै के

ओधर मारूथल विच मैनूं टोलदीआं कवितावां

ख़ाबां विच इक बूहा देखां बंद ते उस दे अग्गे

कई हज़ार रुलदीआं चिठ्ठीआं 'ते मेरा सरनावां

खंभां वरगीआं चिठ्ठीआं उहनां वांग भटक के मोईआं

मर जांदे नें पंछी जिहड़े चीरदे सरद हवावां

जां तां तूं वी धुप्पे आ जा छड्ड के शाही छतरी

जां फिर रहिण दे मेरे सिर ते इह शबदां दीआं छावां

चल्ल छड्ड हुण की वापस जाणा, जाण नूं बचिआ की

ए तेरे पैरां नूं तरसदीआं मर मुक गईआं राहवां

की कवीआं दा आउणा जाणा की मसती संग टुरना

ठुमक ठुमक जे नाल नां चल्लण सज्ज-लिखीआं कवितावां