पंजाबी विच्च इक्क कहावत मशहूर है ‘नीम हकीम ख़तरा ए जान।’ अज्ज कल्ल्ह जणा-खणा डाकटर बणिआ फिरदा है। किसे कोल डिगरी है, किसे कोल तजरबा है। किसे नें सिरफ़ इध्धरों-उध्धरों सिख्ख के डंग-टपाऊ कंम चला रख्खिआ है। मरीज़ां नूं भरमाउण लई हर किसे नें वख्खो-वख्ख तरीके आपणाअ रख्खे हन। कोई वड्डे-वड्डे इशतिहार दिंदा है, कोई कंधां ’ते लिखवाई जा रिहा है ते किसे नें प्रचार करन वाले रख्खे हन। कहिण तों भाव कि जिस दा जिवें यक्का चल्लदा है, चलाई जांदे हन। दूसरे पासे मरीज़ ‘मरदा की नां करदा’ जां ‘मरदी नें अक्क चब्बिआ’ दी उदाहरन दे के अजिहे नीम-हकीमां दी भेंट चहड़ जांदे हन, जिस नाल बिमारी दा असली रूप तां ख़तम होणा नहीं हुंदा, सगों मुख्ख बिमारी नाल कई होर तरहां दीआं बिमारीआं वी चिंबड़ जांदीआं हन।
जदों कोई मनुख्ख बीमार हुंदा है तां उस दे मन विच्च छेती ठीक होण दी इछ्छा ज़ाहर हुंदी है पर मरीज़ इस गल्ल बारे उक्का ही धिआन नहीं दिंदे कि जिस मरज़ (रोग) तों उह पीड़त हन, उह बिमारी है की बला ? की उस दा इलाज संभव है ? जे संभव है तां किस प्रणाली विच्च संभव है, पर इहनां चीज़ां नाल मरीज़ दा कोई लैण-देण नहीं हुंदा। बस्स जिध्धर कोई तोरदा है, मरीज़ तुर पैंदा है। फिर तरहां-तरहां दीआं दवाईआं, तरहां-तरहां दे नुसखे, बणा-बणा, खा-खा के मरीज़ अक्क जांदा है ते जद कोई हल्ल नहीं निकलदा तां रब्ब नूं उलांभे दिंदा होइआ, हड्ड घसीटदा रब्ब नूं पिआरा हो जांदा है।
की इही ज़िंदगी दा यथारथ है ? नहीं, असीं पहड़े-लिखे हो के वी कई वार अनपहड़ां नालों अग्गे लंघ जांदे हां। इक्क तां बंदा हुंदा है कि उस नूं किसे चीज़ दा पता ही नहीं हुंदा पर कई पता होण दे बावजूद वी चलो वेखी जाऊ, जा के वेख लैने आं जां दवाई खा के वेख लैने आं, दे सिधांत ’ते खहड़े रहिंदे हन। अज्ज किसे डाकटर कोल, कल्ल्ह किसे वैद कोल, परसों किसे सिआणे कोल। फिर किसे टूणे-टप्पणे वाले कोल, वगैरा वगैरा…..।
इत्थे इक्क उदाहरन देणी चाहांगा, शूगर इक्क भिआनक रोग है, जो बड़ी तेज़ी नाल वध रिहा है। शूगर दे कारनां दा वी लोकां नूं पता लग्ग चुक्का है। इह वी पता है कि इह इक ला-इलाज बिमारी है। थोहड़िआं नूं छड्ड के बहुतिआं विच्च इस दा पक्का हल्ल नहीं। सिरफ़ परहेज़ ही इस दा हल्ल है जां जिहड़ी वी दवाई शूगर लई इक्क वार लग्ग गई, उह लैणी ही पैंदी है। बहुत थोहड़े मरीज़ हन, जिनहां दीआं गोलीआं जां दवाईआं छुट्ट जांदीआं हन, जिनहां नें आपणे-आप नूं बदल लिआ है, उह बच जांदे हन, नहीं तां शूगर फिर आपणा रंग विखा दिंदी है।
मेरे कोल इक्क शूगर दा मरीज़ आइआ, जिस दी उमर 55 कु साल दे लगभग सी। उस नें मैनूं शूगर दीआं दवाईआं दी जो लिसट दिखाई, मैं देख के हैरान-प्रेशान हो गिआ। उस दे दस्सण मुताबक उस नूं 40 साल दी उमर विच्च शूगर हो गिआ सी। उहनां दे परिवार विच्च शूगर दी बिमारी सी। शराब पीण दा उह आदी सी पर हौळी-हौळी शराब वी छड्ड दित्ती। सैर वी करन लग्ग पिआ। शूगर कंटरोल विच्च सी। इक्क गोली खांदा सी। इक्क दिन सैर करदे-करदे नूं किसे मित्तर नें अजिहा नुसखा दित्ता कि यार तूं ऐवें गोलीआं नाल मत्था मारदा रहिना, आह नुसखा अज़मा के देख। उह दिन जांदै, विचारा अज्ज तक्क ताबे (सही) नहीं आइआ। उस नें उह किहड़ी जहड़ी बूटी, अग्ग सुआह जिहड़ा नहीं खाधा, उस नूं दस साल पहिलां सिरफ़ शूगर सी। हुण उस दी बिमारी दी ‘घचल चौदें’ होई पई है। बलड्ड प्रैशर, थाइराइड, चमड़ी दा रोग, गोडे दरद, पता नहीं की-की। उहदे दस्सण मुताबक उस नें करेलिआं दा जूस अते निंम दा पाणी उबाल के पीणा शुरू कर दित्ता। किसे नें उस नूं दस्सिआ सी कि शूगर मिठ्ठे नाल हुंदी है अते कौड़ीआं चीज़ां खा के इस नूं ठीक कीता जांदा है। फिर जामणां दीआं गिटकां रगड़-रगड़ पीतीआं, अलसी दा तेल, सुक्के मेथे, औले बहेड़े, कई तरहां दीआं अंगरेज़ी ते देसी दवाईआं खाधीआं पर बिमारी वधदी गई। उह हुण वेले नूं पछुताउंदा है कि जेकर उह इक्क गोली खांदा रहिंदा अते आपणे मित्तर दी गल्ल नूं अणसुणी कर दिंदा तां शाइद बच जांदा।
इस तरहां हरेक बिमारी दे इलाज लई नुसखिआं दी लंबी लिसट तिआर हो जांदी है। हरेक बंदे दा आपणा तजरबा हुंदा है। उह दूजे ’ते कंम नहीं करदा। जिंने मूंह ओने नुसखे सभ तों वध्ध नुसखे गुपत रोग दे मामले विच्च मिलदे हन। इक्क तां इहो जिहे रोगी दे मन अंदर ज़िआदा काहल हुंदी है, ठीक होण दी, दूजा इस रोग दा विशा ही अजिहा है। जो मरज़ी किसे नूं खुआई जाओ, अगला खाई जांदा है अते पिछ्छों अजिहीआं गरम-ठंढीआं चीज़ां खा के सरीर नूं जग्ग जहान दे सारे रोग चिंबड़ जांदे हन।
जदों कोई बिमारी सरीर नूं लग्ग जावे तां घबराओ नां, सगों बिमारी दे मूल कारनां, लछ्छणां अते इलाज विधी नूं जाण के ही उस दा इलाज करवाओ, नां कि नुसखे ते नुसखा अज़माई जाओ, सगों आपणी ज़िंदगी ख़ुशी-ख़ुशी जीओ।

