जदों कदे रवाइती तिउहार दा दिन आउंदा है, असीं आपणे विरसे नूं संभालण दी गल्ल करन लगदे हां। आम सधारन मनुख्ख शाइद विरसे लफज़ दा पूरा अते सही अरथ वी नां जाणदा होवे फिर वी उह रवाइत दी पालणा करदा होइआ जाणे-अणजाणे आपणे समाजिक विरसे नूं ज़िंदा रख्खदा है। समाजिक विरसा सारे समाज दा सांझा हुंदा है। इसदा किसे दी अमीरी गरीबी, समाजिक रुतबे आदि नाल कोई संबंध नहीं हुंदा फिर वी इस ’ते हक्क जिताउण वेले जमाती सोच दा रंग चहड़ ही जांदा है। असीं आपणे विरसे दी वी श्रेणी वंड कर लैंदे हां ... अजिहा हुंदा ही समाजिक श्रेणी वंड करके है।

दूसरा, निज्जी विरासत हुंदी है, जिसदा संबंध निज्ज नाल हुंदा है। इस बारे सिरफ इंना कहिणा ही काफी है कि अमीर मनुख्ख आपणीआं आउण वालीआं पीहड़ीआं लई धन दौलत दे नाल नाल कुझ परिवारक परंपरावां वी छड्ड जांदा है; गरीब आदमी आपणे पिछ्छे भुख्खमरी, करज़ा, गुलाम मानसिकता, बिमारी आदि आपणे बच्चिआं लई विरासत दे रूप विच्च छड्ड जांदा है। इस विरासत दा घेरा परिवार तक सीमित रहिंदा है।

तीआं दा तिउहार चल्ल रिहा है। इह प्रतख्ख दिखाई दे रही साडी सांझी समाजिक विरासत है। अखबार दीआं खबरां मैनूं मेरे पिंड दा बचपन याद करवाउंदीआं हन, जिस नूं रोज़ी रोटी दीआं मजबूरीआं नें पिंडों दूर महानगरां विच्च रहिण करके भुला ही दित्ता सी। तीआं दे द्रिश मेरे मन दे चित्तरपट ते उभ्भरन लगदे हन।

सावण महीने लंबी झड़ी लगदी सी। कदे कदे तां सावण दा पूरा महीना मींह पैंदा रहिंदा, कच्चे घर चोण लगदे। पूरा महीना तीआं दा तिउहार मनाइआ जांदा। गिल्ले बालण नाल धुखदीआं अग्गां अते संधारे लई गुलगले, मठ्ठीआं, माल्ह पूड़े तले जांदे, खीर बणदी। अज्ज कल्ल्ह वांग बिसकुट नहीं बणदे सन। खेतां विच्च लहिलहाउंदीआं मक्की, बाजरा, जवार, मूंगी दीआं फसलां, टिब्बिआं ’ते मूंगफली, पीले, चिट्टे, हलके गुलाबी कपाह दे फुल्ल मौसम अते वातावरण नूं महिका दिंदे सन। निक्की निक्की कणी दा मींह तीआं दे तिउहार उत्ते अजिहा रंग बंनहदा कि सहेलीआं दी मिलण-तांघ वधा दिंदा। हर विआही कुड़ी पिंड आउण लई उतावली रहिंदी। प्राहुणे तुरहले वालीआं पग्गां बंनह, गल सोने दे कैंठे पा, तेड़ चादरा सजा अते पैरीं तिल्ले दी जुत्ती पा के सहुरीं आउंदे। पिंड विच्च गल्लां हुंदीआं ... बई प्रौहणा तां फलाणे लाणे दै। घरां दी छत्तां ’ते मंजे जोड़ के उनहां ’ते लाउड सपीकर बंनहे हुंदे जिस ’ते वज्जदे तवे (रिकारड) दी अवाज़ ... कैंठे वाला आ गिआ प्रौहणा, माए नीं तेरे कंम नां मुक्के’ कंनी गूंजण लगदे। दिन ढलदे ही पिंड दी शाम रंगीन होणी शुरू हो जांदी। ... मैं किसे उमाद विच्च अनंदित हो उठ्ठदा।

साडे पिंड दे चार पंज दरवाज़े हुंदे सन अते हर दरवाज़े तों कुझ विथ ’ते टोभा ज़रूर हुंदा सी। पिंड दे टोभिआं ’ते द्रखतां दे झुंड हुंदे सन। तीआं दीआं रौणकां इनहां टोभिआं ’ते ही लगदीआं सन। साडे वाले पासे टोभे ’ते बड़ा वड्डा पिप्पल हुंदा सी। उसदे मोटे तणिआं ’ते रस्से बंनह के पींघ बणा लई जांदी सी। विआहीआं-कुआरीआं पींघां झूटदीआं, गिध्धे पाउंदीआं, धमाल पाउंदीआं, गीत गाउंदीआं ... आ जा नणदे झूट लै, पींघ हुलारे लैंदी। दोंह कुड़ीआं दी जोड़ी अजिहा संतुलन बणाउंदी कि पींघ असमान नाल छूहण लगदी। देखण वालिआं नूं डर लग्गिआ रहिंदा कि किते रस्सा नां टुट्ट जावे जां संतुलन नां विगड़ जावे, मते कोई हादसा वापर जावे। कई वारी द्रखत दा तणा जां रस्सा टुट्ट वी जांदा। पिंड दे प्राहुणे नूं मसती करन दी पूरी खुल्ल्ह हुंदी सी। पिंड दे मुंडे तीआं दे मेले ’ते दूरों निगहा रख्खदे सन। मिठ्ठी याद दे नाल कौड़ी याद दा उभ्भर पैणा कोई अणहोणी नहीं हुंदा। दुखदाई पख्ख इह सी कि जट्ट भाईचारे दे विगड़े प्राहुणे कदे कदे अखौती छोटी जात दीआं कुड़ीआं नाल बदतमीज़ी कर जांदे, जिसदा भाईचारा विरोध करदा पर जिमींदार भरा चुप्प कर जांदे। अखौती छोटी जात दा प्राहुणा कदे कदाईं जेकर अखौती उच्ची जातां वाले पासे चलिआ वी जांदा तां उसदी झाड़झंब करके मोड़ दित्ता जांदा। तीआं सभ मनाउंदे सन, पर कड़वा सच्च इहो सी। तीआं दी विरासत ’ते इह रिसदा ज़खम हौली हौली भर ज़रूर रिहा है।

इस सचाई दे मद्देनज़र तां विरसे दी मालकी वी उच्च जाती दे लोक हथिआ लैंदे हन अते आपणी मनमरज़ी दी तसवीर पेश करदे हन। की भेद भाव दा प्रचलन साडी अमीर विरासत दा हिस्सा नहीं? जां फिर की असीं इस अमीर सभ्भिआचारक विरसे दा अरध-सच्च ही जाणदे हां अते उस नूं ही संभाल के रख्खण दी कोशिश कर रहे हां? इस लई कमज़ोर वरगां दा विरसा अलग्ग भाअ मारन लगदा है। असीं उस वल्ल धिआन देणा वी उचित नहीं समझदे।

की असीं आपणी इह विरासत, जिहो जिही वी है, संभाल वी सकदे हां? विरासती वसतूआं तां अजाइब घरां विच्च संभाल सकदे हां, इमारतां मुरंमत कर सकदे हां पर तीआं जिहे तिउहार नूं किवें संभालांगे? पंजाब दी फसली वंन-सुवंनता साडा कुदरती विरसा सन; कणक, छोले, जौं, कपाह, मक्की, बाजरा, तिल, सरहों, तारामीरा, गंना ... की नहीं हुंदा सी साडी धरती ’ते। इहो वंन-सुवंनता अते कुदरती वातावरण मिलके तीआं वरगे तिउहारां दे जनम दाते सन। असीं तरक्की करन लई इह सभ फसलां गुआ लईआं। सिरफ कणक अते झोना रहि गिआ। जिउं साडी फसलां दी वंन-सुवंनता खतम होई, उवें ही साडे तित्थ-तिउहार बदल गए अते खतम होण दी कगार ’ते आ गए। तकरीबन 15 साल पहिलां मैं इक्क कविता लिखी सी (कदे कदाईं याद आवे जदों बचपन), उसदे आखरी बंद इह हन;

फिर इक्क उठ्ठी लहिर फिज़ाईं

कहिंदे सी जिस हरा इनकलाब

पुट्ट के सुट्ट गई रहीड़े ते फरवाह

सारे थावें झोना ला गई

रोहड़ के लै गई

मक्की, बाजरा अते कपाह।

नाउं निशान नां छड्डिआ ओहने

मझ्झां, गऊआं, बलदां दा।

टल्लीआं दी अवाज़ गुंम गई

भोग पै गिआ हेकां दा।

रिशते सारे खोहे उसने

जिनहां ताब नां झल्लिआ सेकां दा।

तरक्की दी हनेरी नें करिआ खातमा

इक्क सभ्भिअता दे भेतां दा।

दरअसल, अखौती तरक्की नें साडा सभ्भिआचार बदल दित्ता है। जिनहां नें विरसा संभालणा सी, उनहां नूं असीं प्रदेस धक्क दित्ता; उह वी तरक्की दे नां ’ते। साडे कुदरती विरसे दा कोई वी पख्ख पुनर सुरजीत नहीं हो सकदा। किहड़े खेतां विच्च खिड़ावांगे कपाह दे फुल्ल? किवें पवेगा उनहां ’ते निक्की निक्की कणी दा मींह? कित्थों आवेगी उह मिलण तांघ जिहड़ी खेतां विच्च इकठ्ठे कंम करदिआं पैदा हुंदी सी? किवें कोई धी आपणे पिओ नूं कपाह दे फुल्लां वाली रुत्त मुल्ल लैण लई कहेगी? कित्थों लिआवांगे उह शिव कुमार बटालवी जिहड़ा लिख सकदा सी; सानूं उह रुत्त लै दे मुल्ल वे धरमी बाबला, जदों पैण कपाहीं फुल्ल वे धरमी बाबला ...?कैंठा, तुरहले वाली पग्ग, चादरे नाल तिल्ले वाली नोकदार जुत्ती पाउंदा जुस्से वाला लासानी पंजाबी जवान कित्थों लिआवोंगे?विशव सुंदरीआं नूं मात पाउंदीआं सिर ते सग्गी-फुल्ल, गलीं ज़ंजीरीआं, चूड़ीआं नाल भरे गुट्ट वालीआं मुटिआरां कित्थों लिआवांगे? इसे लई तां तसवीर विच्च किते कोई द्रखत, कोई टोभा, कोई गिध्धा पाउंदीआं कुड़ीआं दी ढाणी जां पींघां झूटदीआं मुटिआरांनज़र नहीं आ रहीआं सन; नां ही किसे दे सग्गी-फुल्ल अते मीढीआं गुंदीआं दिस रहीआं हन।

साडे विदवान सिआसी आगूआं नें अजिही हरी-क्रांती लिआंदी कि साडा विरसा ही खा गई। असीं इह दीवार ’ते लिखिआ सच्च किउं नहीं देख सकदे कि तरक्की देवी दी पूजा करदे करदे असीं आपणा विरसा गुआ रहे हां? अज्ज विदवान सिआसतदान अते उनहां दे परिवार तीआं दा विरसा संभालण दी गल्ल कर रहे हन। साडा मनोविगिआन वी कमाल दा है। असीं दूरदशता तों कंम नहीं लिआ। की इह वी तत्थ विचारनयोग नहीं है कि दूरदरशता साडा विरसा ही नहीं बण सकी?

असीं विरसा बचाउण अते इसदीआं बणाउटी झलकां दिखा के खुश हो रहे हां। हाल कमरे विच्च किंनी कु उच्ची पींघ चहड़ सकदी है, असीं सारे किआस कर सकदे हां। विरसा संभालण दी कोशिश नकल उतार के नहीं हो सकदी, उसदा सच्च जीअ के हो सकदी है। उह वातावरण, जिस विच्च उह विरसा विकसित होइआ, हुण वापस खहड़ा नहीं हो सकदा। हर पिंड विच्च इक्क वड्डा ‘तीआं घर’ उसार के बुत्ता सार लैणा चाहीदा है।

*    *    *    *    *