मारच दा कोसा कोसा दिन सी। मैं जलदी ही यूनीवरसिटी चले गिआ किउंकि क्रिएटिव इंगलिश राईटिंग दे प्रोफैसर अते विभाग दे चेअर डा. ऐडम नूं सटारबक्कस कौफ़ी हाऊस विच्च दो वजे मिलणा सी। जदों मैं कौफ़ी हाउस विच्च पंज कु मिंट पहिलां पहुंचिआ तां डा. ऐडम नुक्कर दे टेबल ’ते आपणा कौफ़ी दा कप्प लै के बैठे, मेरी उडीक कर रहे सन। दरअसल, इस मुलक विच्च हर विअकती समें दी बहुत कदर करदा है अते निशचित समें तों कदे वी लेट नहीं हुंदा। हरेक लई आपणा इक्क इक्क मिंट कीमती हुंदा है। वैसे वी यूनीवरसिटी विच्च चेअर लई आपणे अकादमिक रुझेविआं तों इलावा बहुत सारे प्रबंधकी कारज वी हुंदे हन। असीं बड़े तपाक नाल इक्क दूजे नूं मिले।

दरअसल, असीं इक्क वार पहिलां वी मिल चुक्के सां जदों मैं आपणे चोणवें लेखां दी अंगरेज़ी विच्च अनुवादत किताब उनहां नूं दित्ती सी। अज्ज उस किताब ’ते डा. ऐडम दे विचार अते प्रतीकरम जाणन लई मिलण दा सबब्ब बणाइआ सी। मिल बैठण लई इह थां सभ तों वधीआ हुंदी है किउंकि तुसीं कौफ़ी दे घुट्ट भरदे होए अकादमिक विशिआं ’ते डूंघी ते गंभीर चरचा कर सकदे हो। मैं जदों उनहां नूं किहा कि तुसीं किहड़ी कौफ़ी पीवोगे तां उनहां नें किहा, “मैं तां आपणी कौफ़ी पी रिहा हां। मैं कौफ़ी पींदिआं आपणे दफ़तर विच्च रुझ्झिआ होइआ सां। फिर मैनूं आपणी मीटिंग दा ख़िआल आइआ तां मैं आपणा कौफ़ी दा कप्प नाल ही लै के आ गिआ।”

दरअसल, हर प्रोफ़ैसर कौफ़ी दी मशीन आपणे कमरे विच्च रख्खदा है अते जदों वी चित्त करे आपणी कौफ़ी ख़ुद बणा के पी लैंदा है। अजिहा नहीं कि सेवादार नूं हाक मारो कि मेरे लई चाह जां कौफ़ी लै के आ। मैनूं पहिली वार बहुत अचंभा लग्गा सी जदों मैं डीन साइंसज़, डा. वहाईट नूं पहिली वार उनहां दे दफ़तर मिलण गिआ तां उनहां नें आपणे हत्थीं मेरे अते आपणे लई कौफ़ी बणाई। कौफ़ी पींदिआं ही उनहां नें मेरे बारे जाणकारी लैण तों बाअद किहा कि सानूं इक्क फिज़िकस दे प्रोोफैसर दी लोड़ है जिहड़ा कुझ कोरस पहड़ा सके।

डा. ऐडम उठ्ठदिआं होइआं कहिण लग्गे कि चल्लो! तुहाडे लई कौफ़ी लै आईए ते फिर बैठदे हां। इत्थे इह वी रिवाज़ है कि हर विअकती आपणी कौफ़ी दे पैसे ख़ुद दिंदा है। जदों मैं आपणी कौफ़ी लै के टेबल ’ते बैठा तां चाणचक्क मेरी नज़र उनहां दे कौफ़ी दे कप्प ’ते पई जिस दी डंडी ही नहीं सी। उह पुर ख़लूस अंदाज़ विच्च आपणे कप्प विच्च कौफ़ी दा आनंद माणदे होए मेरी किताब बारे आपणे विचार दस्सण लग्गे।

दस्सण लग्गे, ‘‘मैनूं इह जाण के बड़ी खुशी होई कि कोई फिज़िकस दा प्रोफैसर फिलासफ़ी, मनोविगिआन, समाजिक विगिआन, विगिआन, मानवी कदरां -कीमतां, विअकतीतव विकास, ज़िंदगी, मनुख्खी भवनावां, धरम, कुदरत आदि दे सुंदर ते वख्खरे सुमेल राहीं आपणे ख़िआलां नूं काविक रूप विच्च प्रगट कर सकदा है। भावें मैं पंजाबी रहितल बारे कुझ नहीं जाणदा, पर इस किताब नूं पहड़न तों बाअद मैनूं लग्गदा है कि मैं बड़ा कुझ उस विरासत अते समाज बारे जाण लिआ है। मैं कोशिश करांगा कि किसे दिन इंगलिश क्रिएटिव राईटिंग वाले विदिआरथीआं नाल तुहाडा रूबरू करवाइआ जावे तां कि तुहाडी लिखण प्रीकिरिआ अते तुहाडे नाल विचार वटांदरे नाल उह आपणी लिखण प्रतिभा नूं निखार सकण। वैसे वी अंगरेज़ी तों वख्खरी साहितक लेखणी पहड़न नाल तुहानूं कई पसार अजिहे मिल जांदे हन जिनहां बारे कई वार असीं नहीं जाणदे हुंदे।’’ साडी इह गल्लबात बहुत ही लाहेवंद रही अते फिर मिलण दा वाअदा करके असीं घंटे दी मिलणी तों बाअद आपो-आपणे विभागां नूं तुर पए।

डा. ऐडम दी शख़सीअत कमाल दी, निरउचेच, आपणी मसती विच्च रंगे होए इनसान दी है। तुहानूं अहिसास ही नहीं हुंदा कि इंने वड्डे रुतबे वाला शख़स तुहाडे नाल बड़े सहिज नाल उच्च-दरजे दी गल्लबात कर रिहा है। दरअसल, अजिहे लोक ही आपणी सादगी ते हलीमी विच्चों आपणी महानता दे दरशन करवाउंदे हन। उनहां लई टुट्टी डंडी वाला कप्प कोई महत्तव नहीं रख्खदा। सगों महत्तव रख्खदा है कि तुसीं कौण हो, तुहाडा किरदार की है, तुसीं आपणी वडत्तण नूं किवें मिणदे हो अते तुहाडीआं तरजीहां की हन?

याद रहे कि कप्प अहिम नहीं हुंदा सगों अहिम हुंदा है कि कप्प विचली चाह जां कौफ़ी किस नें तिआर कीती है? किहड़ीआं भावनावां इस विच्च समोईआं हन? इस कप्प सदका किहड़े मुल्लवान विचारां नें जनम लिआ है? किहड़ी लिखत दा विचार मन विच्च पनपिआ है? किहड़े ख़िआलां नें उडाण भरी है? किहड़ीआं तरजीहां नें तदबीरां दा रूप वटाउण लई उसलवाटे लए हन जिनहां नें आखर नूं तकदीर बणना है?

अजिहे ही वड्डे लोक हुंदे हन जिहड़े आम हुंदिआं वी खास हुंदे हन। जिहड़े सधारन हुंदिआं वी बहुत असधारन हुंदे हन। जिनहां दी ज़हीन सोच संकीरनता विच्च कैद नहीं हुंदी सगों उनहां दी सोच दा फैलाअ अंबर तीक हुंदा है। अजिहे लोक उह हुंदे हन जिनहां दी कौफ़ी बहुती वार ठंढी हो जांदी है किउंकि उनहां लई कौफ़ी जां चाह भुल्ल ही जांदी है। उनहां दे मन विच्च आइआ विचारां दा प्रवाह, नवें ख़िआलां दा फैलाअ जां मसतक विच्च फिर रहे फुरनिआं दा अजिहा जलवा हुंदा है कि उह आपणे आप विच्च गुआचे चौगिरदे तों बेख़बर आपणी भविख्खमुखी सोच, विलख्खण नज़रीआ अते चेतंन दिब्ब-द्रिशटी राहीं अजिहा चितव जांदे हन जिस बारे आम विअकती तां सोच ही नहीं सकदा।

बड़े बौणे हुंदे हन उह लोक जो दिखावे दा प्रपंच रचा के ख़ुद नूं वड्डा करदे हन। महिंगे कप्प-पलेटां ते चमचिआं नाल चाह जां कौफ़ी पीण दा ढकवंज करन वाले अंदरों बहुत खोखले हुंदे हन। उह दिखावे राहीं ही किसे नूं प्रभावित करन दी कोशिश करदे हन जदोंकि महान लोक दिखावा नहीं करदे। उनहां दा कारज ही उनहां दा करम हुंदा है। उह कुझ वी नां दस्स/दिखा के कुझ अजिहा कर जांदे हन कि समाज नूं उनहां दी अहिमीअत अते असलीअत दा पता लग्ग जांदा है।

पहिले समिआं विच्च पित्तल दे गलासां जां मिट्टी दे कसोरिआं विच्च चाह पीण वाले वी बहुत महान लोक होए हन। किसे ख़ास महिमान जां विअकती लई कप्प हुंदे सन, पर असीं पंजाबी दिखावे विच्च अजिहे उलझ गए कि इह साडी ज़िंदगी लई जंज़ाल बण गिआ है। सानूं कुझ तां इस समाज कोलों सिख्खणा चाहीदा कि आम रहि के वी ख़ास बणिआ जा सकदा है, बशरते कि बंदे विच्च मनुख्खी गुण होण। उस दे विअकतीतव दा प्रताप होवे। उस दे शख़सी किरदार दा जलौअ होवे। उस दे मन विच्च किसे लई दरद-भावना होवे। किसे दी पीड़ा देख के अख्ख विच्च हंझू आ जाण जां किसे दीआं तड़फदीआं आंदरां लई मल्ल्हम बणन दा उद्दम होवे।

तीह साल तों ज़िआदा पंजाब दे कालजां विच्च पहड़ाउण तों बाअद पिछले दस सालां तों अमरीका दी यूनीवरसिटी विच्च पहड़ा रिहा हां। पता लग्गदा है कि असीं कित्थे खहड़े हां? इह देश इंना उन्नत किउं है? सभ तों प्रमुख्ख है अधिआपक/प्रोफैसर दा किरदार जो इंना उच्चा ते सुच्चा है कि कोई वी उस ’ते उंगल नहीं चुक्क सकदा। उह ख़ुद इमतिहानां दे पेपर तिआर करदा है, ख़ुद नंबर दिंदा है अते समैसटर दे अख़ीर विच्च गरेड दिंदा है जिस विच्च यूनीवरसिटी दा प्रैजीडैंट वी दख़लअंदाज़ी नहीं कर सकदा अते नां ही गरेड बदलण नूं कहेगा। की अजिहा पंजाब विच्च संभव हो सकदा है? कलास विच्च कोई प्रोफैसर इक्क मिंट लेट नहीं हुंदा। जेकर उस नें छुट्टी लैणी है तां उस नूं अगाउं दस्सणा पवेगा कि कोई दूसरा प्रो. उस दी कलास विच्च जावे तां कि विदिआरथीआं दी पहड़ाई दा इक्क दिन वी ख़राब नां होवे। कोई वी विदिआरथी ऐमरजैंसी दी हालत विच्च आपणा इमतिहान मित्थी तरीख तों बाअद वी आपणे प्रोफैसर दी सहिमती नाल दे सकदा है।

कोई वी विदिआरथी घट्ट गरेड दी शक्क पैण ’ते आपणे पेपर किसे वेले वी देख सकदा है। वैसे उस नूं आपणे गरेडां दा ख़ुद वी पता हुंदा है कि किस वेले उस दा किहड़ा गरेड है अते आपणे गरेडां नूं किवें सुधारना है? इह सभ कुझ यूनीवरसिटी दे बलैकबोरड ’ते प्रोफैसर नें नालो नाल आन-लाईन अपडेट करना हुंदा है। प्रोफैसर बहुत ही पारदरशी हुंदा है अते इस करके हर विदिआरथी आपणे प्रोफैसर दा बहुत अदब अते सतिकार करदा है। उह सर नहीं सगों तुहाडा नाम लै के मित्तर वांग तुहानूं संबोधन करदा है।

कई वार कुझ विदिआरथी आपणीआं निज्जी परेशानीआं जां मजबूरीआं वी आपणे प्रोफैसर नाल सांझीआं करदे हन तां कि उनहां नूं पता होवे कि फलाणा विदिआरथी कलास विच्च कुझ दिनां लई गैर-हाज़र किउं सी? की अजिहा पंजाब दे विदिअक अदारिआं विच्च हो सकदा है जित्थे पीऐच्च.डी तक्क दीआं डिगरीआं दिवाउण लई विदिआरथीआं दा सरीरक, मानसिक अते आरथिक शोशण होणा आम वरतारा बणदा जा रिहा है। प्रोफैसर/अधिआपक दे किरदार ’ते उठ्ठे प्रशन किसे सिसटम नूं पलीत होण तों किवें बचाउणगे?

टुट्टी डंडी वाला कप्प ख़ास नहीं सी, सगों ख़ास सी मिल-बैठण दा सबब्ब। उस वकत दौरान होई बहुत ही लाहेवंद गल्लबात। इक्क दूजे नूं समझण दी सोझी। इक्क दूजे दे सभ्भिआचार दीआं परतां नूं फरोलणा अते साहितक सबंधां राहीं साहितक उतपती दा मौका सिरजणा। इक्क दूजे दीआं भावनावां नूं समझणा अते उनहां दी कदर करनी। आहमो-साहमणे बैठ के विचारां दा आदान-प्रदान करना। इस राहीं अजिहा सिट्टा कढ्ढणा तां कि नवीं कलमकारी अजिही लिखत नूं जनम देवे जो जाती वखरेविआं अते सभ्भिआचारक विभिंनता तों उप्पर उठ्ठ के आपणी नरोई पछाण बणावे। इक्क दूजे नूं उतशाहित अते प्रेरित करन दा उद्दम। इक्क दूजे दीआं क्रितां विच्चों आपणे आप नूं पछाणन दा हुनर। दरअसल, इही हुनर साडे विअकतीतव विकास दा सभ तों प्रमुख्ख सरोत है। इस तों असीं पछ्छड़ गए किउंकि असीं साहितक खेतर विच्च निक्के निक्के सौड़े दाइरिआं विच्च सिमट गए। आपणी हऊमैं नूं पठ्ठे पाउण अते ख़ुद दी उसतती करवाउण तीक ही सीमत हो गए। तां ही साडीआं साहितक लिखतां दा मिआर उह नहीं बण सकिआ जिहड़ा सचिआरी अते निआरी परख-पड़चोल नूं अपणा के, आपणीआं कमीआं नूं आपणी ताकत बणा के अते हर वरतारे नूं वख्खरे नज़रीए तों देख अते समझ के किसे साहितक सोच नूं शबदां विच्च परोइआ जांदा है।

सधारनता अते हलीमी रुतबिआं अते अमीरी नालों वी ज़िआदा खुशी अते खेड़ा तुहाडी झोली पाउंदी है जिहड़ा धन नाल नहीं ख़रीदिआ जा सकदा। हलीमी तुहाडी तरक्की दा सभ तों वड्डा राज़ है। जद बंदे दे मन विच्च आ जावे कि उह सरब कला संपूरन अते समरत्थ है तां समझो उस नें आपणे विअकतीतव दे विकास नूं रोक लिआ है। सादगी विच्च हंकार नहीं हुंदा। हलीमी विच्च गरूर नहीं हो सकदा अते अपणत्त विच्च दवैश नहीं हुंदा, पर इस विच्च बंदिआई अते भलाई दा गूहड़ा रंग हुंदा है जिहड़ा मनुख्खी चंगिआई दा मूल आधार बणदा है।

बंदे दा वरतारा कठोर है जां नरम, उस दी बोलबाणी कौड़ी है जां मिठ्ठी। उस दी दिख्ख विच्च करूरता है जां मासूमीअत। उस दे नज़रीए विच्च सावांपण है जां असावांपण। इह सभ कुझ उस दे अंदर दा प्रगटावा है जिस तों इनसान खुद ही परदा हटा दिंदा है अते उस दा सच्च जग्ग-ज़ाहर हो जांदा है। लोड़ है कि आपणे अंदरले सुच्चम, सादगी अते हलीमी नूं जीवन दा नज़रीआ बणाओ, ज़िंदगी विच्च तुहाडे किरदार दी महिक आवेगी।

सादगी विच्च सभ तों प्रमुख्ख हुंदा है आतम-सनमान जिहड़ा होर निख्खरदा है। इस दे रौशन पख्ख विच्च तुसीं आपणीआं राहां नूं चानण-रंगीआं कर लैंदे हो। सधारनता कोई मानवी कमज़ोरी नहीं सगों इह उह ताकत है जिस साहवें आकड़-खां वी सिर झुकाउण लई मजबूर हो जांदे हन। हलीमी तां सवै-बंदगी दा उह रूप है जिहड़ा तुहाडी आतमिक उचाई दा सिखर हुंदा है।

कदे कदे खुद नूं मिलणा अते सोचणा कि मैं निमरता अते सधारनता विच्चों किंना सुख्ख अते सकून हासल कीता है? कदे खुद नूं अमरू निमाणा, नताणा ते नथावां समझण वाले मारग नूं आपणी सोच विच्च छोटी जिही जगहा देणी। तुसीं खुद दी बुलंदगी दा अंबरीं माण बण जावोगे। आपणी निमरता दा उचेच नां करो, सगों आपणी सोच ते मन दी धारना नाल आपणे आप नूं छोटा समझो। तुहाडी निमरता नें तुहाडे वडप्पण नूं आपणे आप ही फैलाअ देणा है। ऐंवें काहतों आपणे आप नूं अडंबरी संसार विच्च उलझाउंदे हो। कदे दिखावे तों बाहर निकलणा, देखणा तुहानूं किंनी मानसिक खुशी मिलेगी।

***