विदवान लेखक बरनारड शाअ नें पता नहीं किहड़े रौं विच्च किहा सी कि 22 जणे मूरख हन जिहड़े इक्क बाल पिछ्छे सिरतोड़ दौड़े फिरदे हन। 11 जणे इक्क पासे नूं ठुड्डे मारी जांदे हन ते 11 जणे दूजे पासे नूं, कमले नां होण कितों दे!

उह 22 जणे तां पता नहीं किंने कु कमले होणगे पर सचाई इहो है कि उनहां नें सिआणी बिआणी अध्धों वध्ध दुनीआ कमली कीती पई है! कोई मंने नां मंने, फुट्टबाल दी खेड विच्च कमाल दी कशिश है। उह बाबे बरनारड शाअ नूं तां भावें आपणे वल्ल नहीं खिच्च सकी पर पूरे संसार नूं आपणे पंजिआं विच्च जकड़ी बैठी है। आलमी कप्प दे मैचां विच्च इक्क इक्क किक्क नें लख्खां निगाहां बंनही रख्खीआं। फुट्टबाल सच्चमुच्च ही दुनीआं दी सभ तों वध्ध दरशनी खेड साबत होई है। तद ही इह दुनीआं दे सारे ही मुलकां विच्च खेडी जांदी है। फुट्टबाल दी कौमांतरी फैडरेशन ‘फीफा’ दे 211 देश ते खेतर मैंबर हन।

2022 दा 22वां आलमी कप्प 5 अरब लोकां नें देखिआ सी ते 23वां कप्प 6 अरब लोकां नें। अरबां खरबां रुपए, समां अते साधन लग्ग जांदे हन इनहां आलमी कप्पां उत्ते। जून-जुलाई फुट्टबाल दी चरचा दे महीने बणे रहे। तिंन मुलकां, कैनेडा, अमरीका अते मैकसीको विचले 16 शहिरां दे विशाल सटेडीअम, प्रबंधकां, खिडारीआं अते मीडीआकारां नाल भरपूर रहे। करोड़ां, अरबां डालरां दीआं शरतां लग्गीआं ते सट्टा खेडिआ गिआ। जित्तां दीआं खुशीआं मनाईआं गईआं, हारां दे हंझू वहाए गए।

कप्प जित्तण पिछ्छों जो जलौअ सपेनीआं नें विखाइआ उहदीआं किआ रीसां। किआ कमाल दे नज़ारे बझ्झे उनहां दी राजधानी मैडरिड विच्च! फीफा कप्प जित्तण दी खबर तों वड्डी खबर केवल तीजी आलमी जंग ही हो सकदी सी। डेढ महीना रेडीओ, टी.वी, अखबार अते इंटरनैट्ट आलमी कप्प दीआं खबरां नाल भरे रहे। 22 बंदिआं दे पैरां अते सिरां दी खेड नें करोड़ां लोकां दे सिर घुमाई रख्खे ते फुट्टबाल दे दीवानिआं नूं पहिले तोड़ दा नशा चाहड़ी रख्खिआ! उनहां दी हात-हूत दीआं किलकारीआं पूरे जग्ग जहान दी हवा विच्च गूंजदीआं रहीआं।

फुट्टबाल दे शैदाई मुलखईए नें तां शरतां लाउणीआं ही सन, अरजनटीना अते सपेन दे हिमाइतीआं नें वी जित्त हार दा जूआ खेडणा सी, हैरानी इस गल्ल दी सी कि बठिंडे दे बाणीएं, जिनहां दा फुट्टबाल नाल कोई लैण देण नहीं सी, उनहां नें वी अरजनटीना जां सपेन दी हार जित्त उत्ते लख्खां दा सट्टा खेडिआ।

90 मिंटां दे मैच पिछ्छों वाधू समें विच्च आखर सपेन नें 1-0 गोल नाल 2026 दा आलमी कप्प जित्त लिआ जो उसदा दूजा विशव कप्प है। गोलडन टराफी दे नाल गोलडन बाल अते गोलडन गलब्बज़ दे वकारी अवारड वी सपेनी खिडारीआं नें ही जित्ते। फरांस दा किलीअन अमबापे इस आलमी कप्प विच्च 10 गोल कर के गोलडन बूट दा अवारड जित्तिआ। लिओनल मैसी, जिसदी वरहिआं तों फुट्टबाल दी खेड विच्च सरदारी सी, 8 गोलां नाल उस तों पिछ्छे रहि गिआ। कुल्ल आलमी कप्पां विच्च वी 21 गोल करन दे बावजूद उह किलीअन अमबापे दे 22 गोल हो जाण नाल दूजी थां जा पिआ। मैसी दी जिंनी चहड़ाई सी, महिमा सी, पई मैसी मैसी हुंदी सी, फाईनल मैच विच्च होई हार नाल उहदीआं धाहां नां निकलदीआं तां होर की निकलदा!

रिशता अरजनटीना अते सपेन दे शरीक होण दा वी सी। किहा जांदा है कि शरीक मोह वी सभ तों वध्ध करदा है ते खोर (खार) वी सभ तों वध्ध रख्खदा है। फाईनल मैच दे खेड मैदान दी भाशा अरजनटीना अते सपेन दे खिडारीआं दी इक्को सी: सपैनिश। ऐन उवें जिवें हाकी दे ओलंपिक ते होर मैचां विच्च भारती अते पाकिसतानी खिडारीआं दी खेड भाशा ‘लईं नूरिआ, देईं बीरिआ’ बोलदिआं पंजाबी हुंदी है। जिवें भारती अते पाकिसतानी शरीक होण दे नाते कदे मोह पाळ लैंदे ते कदे भिड़ पैंदे हन, उवें अरजनटीनीए ते सपेनीए वी मैच पिछ्छों आपस विच्च भिड़े।

फीफा दा फुट्टबाल कप्प दुनीआ दा सभ तों वड्डा खेड मेला है। इह ओलंपिक खेडां दे अध्ध विचाले हर चहुं सालीं हुंदा है। आधुनिक ओलंपिक खेडां 1896 तों शुरू होईआं सन ते फीफा आलमी कप्प 1930 तों शुरू होइआ। 2018 दा 21वां आलमी कप्प 3.57 बिलीअन भाव 357 करोड़ दरशकां नें देखिआ सी। 2022 दा कप्प 500 करोड़ यानी दुनीआ दी अध्धों वध्ध अबादी नें देखिआ। 11 जून 2026 तों शरू होए ते 19 जुलाई नूं समापत होए अजोके 23वें आलमी कप्प दे दरशकां दी गिणती दा हिसाब लाइआ जा रिहा है, जो हो सकदा है 600 करोड़ तों वी टप्प जावे! 2022 दे कप्प दा फाईनल मैच दुनीआ दे लगभग 150 करोड़ लोकां नें देखिआ सी।

अजोके आलमी कप्प विच्च पहिले सारे विशव कप्पां नालों वधेरे कुल्ल 104 मैच खेडे गए हन, जिनहां विच्च फीफा दे इतिहास विच्च सभ तों वध्ध गोल होए हन। 211 देशां/टैरेटरीआं विच्चों 48 देशां दीआं कौमी टीमां आलमी कप्प लई कुआलीफाई कीतीआं सन। चार सालां बाअद हुंदे आ रहे 23 आलमी कप्पां विच्च हुण तक 80 मुलकां दीआं नैशनल टीमां भाग लै चुक्कीआं हन। उनहां विच्च 5 लख्ख दी अबादी वाला अफरीकन देश केप वारडे वी है जिस नूं अरजनटीना दी विशव चैंपीअन टीम मैच दे पूरे समें विच्च नहीं सी हरा सकी। वाधू समें विच्च वी मसीं 1 गोल नाल हरा सकी।

केप वारडे दे उलट जनसंखिआ विच्च दुनीआ दे सभ तों वड्डे देश भारत दी कौमी टीम, फीफा कप्प दे 96 साला इतिहास विच्च इक्क वार वी इह कप्प खेडण दे योग नहीं हो सकी। ऐवें हवा विच्च ही विशव गुरू बण जाण दीआं शेखीआं मारी जाण दी गल्ल होर है। इंडीआ अथवा भारत नें फुट्टबाल दा आलमी कप्प तां की कराउणा सी, ओलंपिक खेडां दे 130 सालां इतिहास विच्च इक्क वार वी ओलंपिक खेडां नहीं करवा सकिआ। जेकर 2036 जां 2040 दीआं ओलंपिक खेडां वी ‘भारत महान’ आपणी भोएं उत्ते करा जावे तां वाह भली।

इस खोज बारे हालां वी मत्तभेद हन कि फुट्टबाल दी खेड दा जनम चीन विच्च होइआ, इटली जां अफरीका विच्च होइआ? पर इस तत्थ नाल सभ सहिमत हन कि बरतानीआं नें इस खेड नूं अपणाइआ अते संवारिआ। फिर फीफा बणी जिसदा मुख्ख मंतव फुट्टबाल दी खेड नूं कुल्ल दुनीआं विच्च मकबूल करना सी। 1920 विच्च फरांस दा इक्क वकील जूलस रीमे फीफा दा प्रधान बणिआ। उह 1954 तक इस अहुदे उत्ते रिहा। उहदे मन विच्च विचार आइआ कि फुट्टबाल दी खेड दा हर चार साल बाअद वरलड कप्प टूरनामैंट करवाइआ जावे तां जो इह खेड होर विकास करे अते होर हरमन पिआरी होवे। फुट्टबाल दी आलमी सरदारी दा चिंनह 9 पौंड शुध्ध सोने दा कप्प बणाइआ गिआ, जिसदा नां जूलस रीमे टराफी रख्खिआ। इह कप्प चलंत सी पर नाल इह वी किहा गिआ कि जिहड़ा मुलक इस नूं तिंन वार जित्त लवेगा, हमेशा लई उहदा हो जावेगा।

पहिला वरलड कप्प कराउण लई उरूगुए, इटली, हालैंड, सपेन ते सवीडन नें पेशकश कीती सी। जदों फीफा वल्लों उरूगुए नूं इह ज़िंमेवारी सौंप दित्ती गई तां बाकी चारे मुलक रुस्स गए। उनहां नें पहिले आलमी कप्प विच्च आपणीआं टीमां नां भेजीआं। पहिले आलमी कप्प दा पहिला मैच 13 जुलाई 1930 नूं फरांस अते मैकसीको दीआं टीमां विचाले उरूगुए दे शताबदी सटेडीअम विच्च खेडिआ गिआ जो फरांस नें जित्तिआ। पहिला गोल करन दा सिहरा फरांसीसी खिडारी लूई लारों दे सिर बझ्झा। उदों 13 मुलकां दीआं टीमां नें ही विशव कप्प विच्च भाग लिआ। फाईनल मैच उरूगुए अते अरजनटीना दीआं टीमां विचकार होइआ, जिस नूं उरूगुए नें 4-2 गोलां नाल जित्त के प्रसिध्ध मूरतीकार अबेल लापलू दी डिज़ाईन कीती अति महिंगी जूलस रीमे टराफी चार साल लई आपणे कबज़े विच्च कर लई।

1934 दा दूजा आलमी कप्प इटली विच्च खेडिआ गिआ। उत्थे उरूगुए गैंरहाज़र रिहा। 17 टीमां दे भेड़ विच्चों इटली अते चैकोसलोवाकीआ दीआं टीमां फाईनल विच्च पुज्जीआं। 55 हज़ार दरशकां दी हाज़री विच्च इटली नें चैकोसलोवाकीआ नूं 2-1 गोलां ’ते हरा के जूलस रीमे टराफी हासल कर लई। 1938 दे तीजे आलमी कप्प दा मेज़बान फरांस सी। उत्थे उरूगुए अते अरजनटीना दीआं टीमां नां पुज्जीआं। आसट्रेलीआ अते सपेन वी वख्खो वख्खरे कारनां करके टूरनामैंट तों लांभे रहे। तीजे आलमी कप्प दा सभ तों वधीआ मैच ब्राज़ील अते पोलैंड विचकार खेडिआ गिआ जो ब्राज़ील नें 6-5 गोलां नाल जित्तिआ। ब्राज़ील दे लिओनीदास नें नंगे पैरीं खेडदिआं 4 गोल कीते। अंतिम मैच इटली अते हंगरी विचाले होइआ। इटली नें 4-2 गोलां नाल दूजी वार जूलस रीमे टराफी जित्ती। दूजे विशव युध्ध कारन 1942 ते 46 दे विशव कप्प खेडे ही नां जा सके।

1950 दा चौथा आलमी कप्प ब्राज़ील विच्च खेडिआ गिआ। उरूगुए दी टीम 20 सालां पिछ्छों आलमी कप्प विच्च परती जिसने फाईनल मैच विच्च ब्राज़ील नूं हरा दित्ता। जित्त दे जशन तां मनाए ही जांदे हन, ब्राज़ील नें हार दा मातम वी कौमी पध्धर ’ते मनाइआ। ब्राज़ील नूं हारदिआं देख 60 दरशक मारकोना सटेडीअम विच्च ही बेहोश हो गए सन ते कुझ इक्क घरीं बैठे कुमैंटरी सुणदिआं चल्ल वसे सन। 1954 दा 5वां विशव कप्प सविटज़रलैंड विच्च खेडिआ गिआ। हंगरी दी टीम चार सालां तों 28 कौमांतरी मैचां विच्च किते वी नहीं सी हारी पर फाईनल मैच विच्च पछ्छमी जरमनी नें हंगरी नूं 3-2 गोलां नाल हरा के सनसनी फैलाअ दित्ती। उह वी उस हालत विच्च, जदों हंगरी पहिलां ही 2 गोल कर चुक्का सी। उदों दा खुंझिआ हंगरी अज्ज तक विशव कप्प नूं तरस रिहा है।

सवीडन विच्च खेडे 1958 दे आलमी कप्प विच्च ब्राज़ील दे पेले दी पहिली चहड़त होई। 18वें साल दी उमरे उसने फरांस विरुध्ध हैट्रिक मारिआ जिसने फुट्टबाल दी दुनीआं विच्च थलका मचा दित्ता। फाईनल मैच ब्राज़ील अते सवीडन दीआं टीमां विचकार खेडिआ गिआ जो ब्राज़ील दी टीम नें 5-2 गोलां दे वड्डे फरक नाल जित्त लिआ।

1962 दा 7वां आलमी कप्प चिली विच्च खेडिआ गिआ जिसदा अंतिम मैच ब्राज़ील ते चैकोसलोवाकीआ विचकार होइआ। पेले दे ज़खमी होण दे बावजूद ब्राज़ील नें जूलस रीमे टराफी आपणे कबज़े विच्च रख्खी। 1966 दा विशव कप्प बरतानीआं विच्च होइआ जित्थे पेले फट्टड़ हो गिआ अते ब्राज़ील दी टीम मुढले मैचां विच्च ही हार गई। फाईनल मैच इंगलैंड अते जरमनी दीआं टीमां दरमिआन खेडिआ गिआ जो इंगलैंड नें जित्त लिआ। बहुती हैरानी एशीआ दे देश उत्तरी कोरीआ नें पैदा कीती जदों इक्क मैच विच्च उसने दो वार विशव कप्प जेतू इटली नूं हरा के कुआटर फाईनल दी पौड़ी नूं जा हत्थ पाए।

नौंवां विशव कप्प मैकसीको विच्च होइआ जित्थे ब्राज़ील अते इटली दीआं टीमां फाईनल विच्च भिड़ीआं। पेले चौथी वार विशव कप्प खेडदा पूरे जलौअ विच्च सी। इक्क लख्ख दरशक मैकसीको दे सटेडीअम विच्च पब्बां भार सन। पेले दी टीम नें इटली सिर 4 गोल कर के बंब बुला दित्ता। मैच मुक्कण दा विसल वज्जण सार अणगिणत पेले-प्रेमी उहदे वल्ल वधे तां मौके दी नज़ाकत देखदिआं उहने आपणी जरसी उहनां वल्ल वगाह मारी जो निशानी वजों उहनां दे हत्थ लीर लीर आई। पेले भज्ज के कमरे विच्च जा लुकिआ। उसने शुकर कीता कि मैकसीको दे दरशकां कोलों उहदा कछ्छा बच गिआ सी!

पेले दे जनम समें उहदे फुटबालर पिउ नें पुत्तर दे पट्ट ते पैर टोंहदिआं किहा सी, “लग्गदै फुट्टबाल चंगी खेड लएगा।” मां नें टोकिआ सी, “इहनूं फुटबालर बणन दा सराप नां देह। अग्गे फुट्टबाल खेड के तूं की लल्ल्हर लाइऐ?”

ब्राज़ील दे तीजी वार विशव कप्प जित्तण नाल जूलस रीमे टराफी पक्के तौर ’ते ब्राज़ील दी बण गई सी। 1973 विच्च खालस सोने दी उस टराफी नूं चोरां नें चुरा लिआ ते मगरों भंन गाल्ह सुट्टिआ। चोर बेशक फड़े गए पर टराफी नां लभ्भी। 1974 दे विशव कप्प लई नवीं फीफा तिआर करवाई गई जो फाईनल मैच विच्च जरमनी नें हालैंड नूं हरा के जित्ती। नवीं टराफी खालस सोने दी है जिसदा बेस हरे कीमती पत्थर दा है। उचाई 36.5 सैंटीमीटर, चौड़ाई 12.5 सैंटीमीटर ते भार 6.175 किलोग्राम है। सिरफ सोने अते समगरी दी कीमत ही 2,50,000 अमरीकन डालर बणदी है। माहिरां नें इसदी इतिहासक अते प्रतीकआतमिक कीमत 20 मिलीअन अमरीकन डालर यानी 2 कु करोड़ रुपए अंकी है। इह दुनीआ दी सभ तों महिंगी खेड टराफी है जो दुनीआ भर विच्च फुट्टबाल दी एकता अते महत्तता दी प्रतीक है।

1978 विच्च अरजनटीना नें फतिह हासल कीती ते 1982 विच्च इटली नें। इटली दे खिडारी पावलो रौसी नूं जक्कोतक्की विच्च खिडाइआ गिआ सी पर उसने फाईनल मैच विच्च जरमनी सिर 3 गोल कर के धंन धंन करा दित्ती। 1986 दा विशव कप्प अरजनटीना नें जित्तिआ, जिस विच्च मारादोना दे रब्बी हत्थ नाल होए गोल दी करामात वापरी। 1990 विच्च इटली, 1994 जरमनी अते 1998 विच्च फरांस विशव विजेता बणे।

21वीं सदी दा पहिला उंज 17वां विशव कप्प पहिली वार एशीआ दी धरती ’ते खेडिआ गिआ। कोरीआ अते जापान दे शहिर इहदे मेज़बान सन। संसार दे लगभग 200 मुलकां दीआं टीमां विच्च आपस विच्चीं मैच खिडा के 32 टीमां नितारीआं गईआं जिनहां नूं अग्गे 8 गरुप्पां विच्च वंडिआ गिआ। 31 मई 2002 नूं नवीं सदी दे विशव कप्प दा शानांमत्ता उदघाटन होइआ अते पहिला मैच आलमी चैंपीअन फरांस अते अफरीकी मुलक सैनेगल दी पहिली वार भाग लै रही नवीं टीम विचाले खेडिआ गिआ। इह गल्ल किसे दे खाब खिआल विच्च वी नहीं सी कि सैनेगल छुपिआ रुसतम निकलेगा जो विशव कप्प दे तकड़े दाअवेदार फरांस दीआं गोडणीआं लुआ देवेगा।

कुआटर फाईनल विच्च कोरीआ नें सपेन नूं, जरमनी नें अमरीका नूं, तुरकी नें सैनेगल नूं अते ब्राज़ील नें जापान नूं जित्त के सैमी फाईनल विच्च प्रवेश पाइआ। ब्राज़ील अते जरमनी 7-7 वार विशव कप्प दे फाईनल विच्च पुज्ज चुक्के सन पर आपस विच्च कदे नहीं सन टक्करे। ब्राज़ील 4 वार विशव कप्प जित्तिआ सी ते जरमनी 3 वार। दुनीआं दे सभ तों महिंगे खिडारी रोनालडो नें 2 गोल दाग के 8 गोलां नाल गोलडन बूट वी हासल कीता अते ब्राज़ील नूं पंजवीं वार फुट्टबाल दा शहिनशाह बणाइआ। 2006 दा कप्प इटली नें फरांस नूं, 2010 दा कप्प सपेन नें नीदरलैंड नूं, 2014 दा कप्प जरमनी नें अरजनटीना नूं, 2018 दा कप्प फरांस नें क्रोशीआ नूं, 2022 दा कप्प अरजनटीना नें फरांस नूं अते 2026 दा कप्प सपेन नें अरजनटीना नूं फाईनल मैचां विच्च हरा के जित्ते।

आलमी कप्प खेडण दे दिन तां बेशक गिणती दे हुंदे हन अते मैच वी गिणती दे पर उहनां दीआं गल्लां सालां-बध्धी चलदीआं रहिंदीआं हन। आलमी कप्पां विच्च कई घटनावां अजिहीआं वापरदीआं हन जो देर तक नहीं भुल्लदीआं। जेतूआं दीआं खुशी विच्च खिड़ीआं वराछां अते हारूआं दे गमगीन चिहरे! हारन वालिआं तों उठ्ठिआ नहीं जांदा ते जित्तण वालिआं तों बैठिआ नहीं जांदा। टीमां दे कोचां दी परेशानी अते खुशी दा वी कोई अंत नहीं रहिंदा। दरशकां दी हात-हूत दा तां काहदा हिसाब किताब होणा सी? जदों नूं 23वें आलमी कप्प दीआं गल्लां मुक्कणगीआं उदों नूं 24वें फीफा कप्प दीआं गल्लां शुरू हो जाणगीआं। इहो जीवन दा गेड़ है ते इहो खेडां दा फलसफा। इक्क खेड मेले दी धूड़ बहिंदी है ते दूजे दी चहड़नी शुरू हो जांदी है। वेखांगे 2030 वाला फीफा दा शताबदी फुट्टबाल मेला किहो जिहा लगदा है?

फीफा आलमी कप्पां दे नतीजे:

1930 उरूगुए, अरजनटीना, अमरीका।

1934 इटली, चैकोसलोवाकीआ, जरमनी।

1938 इटली, हंगरी, ब्राज़ील।

1950 उरूगुए, ब्राज़ील, सवीडन।

1954 पछ्छमी जरमनी, हंगरी, आसट्रेलीआ।

1958 ब्राज़ील, सवीडन, फरांस।

1962 ब्राज़ील, चैकोसलोवाकीआ, चिल्ली।

1966 इंगलैंड, वैसट जरमनी, पुरतगाल।

1970 ब्राज़ील, इटली, वैसट जरमनी।

1974 ब्राज़ील, नीदरलैंड, पोलैंड।

1978 अरजनटीना, नीदरलैंड, ब्राज़ील।

1982 इटली, वैसट जरमनी, पोलैंड।

1986 अरजनटीना, वैसट जरमनी, फरांस।

1990 वैसट जरमनी, अरजनटीना, इटली।

1994 ब्राज़ील, इटली, सवीडन।

1998 फरांस, ब्राज़ील, क्रोशीआ।

2002 ब्राज़ील, जरमनी, टरकी।

2006 इटली, फरांस, जरमनी।

2010 सपेन, नीदरलैंड, जरमनी।

2014 जरमनी, अरजनटीना, नीदरलैंड।

2018 फरांस, क्रोशीआ, बैलजीअम।

2022 अरजनटीना, फरांस, क्रोशीआ।

2026 सपेन, अरजनटीना, इंगलैंड।

*    *    *    *    *